पौष,२४, चितवन
भरतपुर महानगरपालिकामा बिभीन्न समस्याको समाधान गरिदिन भन्दै उजुरी पर्ने क्रम निरन्तर रहेको छ । महानगरका उपप्रमुखको नेतृत्वमा रहेको न्यायिक समितिमा चालू आर्थिक वर्षको ६ महिनाको अबधिमा मात्रै २९ वटा उजुरी दर्ता भएका छन् ।
न्यायिक समितिमा परेका उजुरीलाई सम्वन्धित वडामा रहेका मेलमिलाप केन्द्रमा पठाएर समाधानको लागि पहल गरी हाल सम्म परेका उजुरी मध्ये अधिकाश उजुरी टुङग्याइएको न्यायिक समिति सभापति ठकुरीले बताउनुभयो । उहाँले भन्नुभयो यदि वडाले यो मुद्या मिलाउन सकेनौ भन्ने जानकारी सहित वडाध्यक्षले सिफारिस गरेर पठाए पछि हामीले मुद्दा हेर्ने गरेका छौ । न्यायिक समितिमा परेका २९ मुद्दा मध्ये १२ उजुरी समाधान गरिसक्यौ बाँकी रहेका उजुरी पनि प्रक्रियामा छन् । ठकुरीले महानगरबासीलाई छिटो छरितो तरिकाले न्याय दिन महानगरपालिका तयार र सक्षम रहेको दाबि समेत गर्नुु भयो ।
अहिले सम्म न्यायिक समितिमा परेका उजुरीमध्ये अधिकाश मुद्दा साधँ सिमाना, श्रीमान श्रीमती बिच बेमेल, आर्थिक लेनदेन, बाटो बिवाद लगायतका रहेको उहाँले बताउनुभयो । अहिलेसम्म परेका कुनै पनि मुद्दालाई न्यायिक समितिले अदालतमा पठाउन नपरेको संयोजक ठकुरीको भनाई छ । मेलमिलापमा मुद्दाको छिनोफानो गर्दा कसैको हार र कसैको जितको अनुभूति नहुने र सामाजिक प्रतिष्ठामा पनि कुनै अाँच नआउने भएकाले मेलमिलापमा जोड दिएर मुद्दा मिलाउने गरेको उहाँले जानकारी दिनुभयो ।
