काठमाडौं। नेपाली कांग्रेसको १५औँ महाधिवेशनबाट तरुण दलका निवर्तमान केन्द्रीय अध्यक्ष विद्वान गुरुङ केन्द्रीय सदस्य (खुला) तर्फ अत्यधिक मतसहित निर्वाचित हुनुभएको छ।
तरुण दलको नेतृत्व सम्हाल्दै युवा संगठनमा महत्वपूर्ण भूमिका निर्वाह गर्नुभएका गुरुङको नेपाली कांग्रेसको केन्द्रीय सदस्यमा भएको विजयलाई उहाँको राजनीतिक यात्राको महत्वपूर्ण उपलब्धिका रूपमा हेरिएको छ। युवा नेतृत्वका रूपमा पार्टी संगठनमा सक्रिय रहँदै आउनुभएका गुरुङको केन्द्रीय समितिमा प्रवेशले पार्टीको संगठनात्मक सुदृढीकरणमा थप योगदान पुग्ने अपेक्षा गरिएको छ।
निर्वाचित भएपछि गुरुङले आफूलाई अमूल्य मत प्रदान गरी विश्वास र समर्थन व्यक्त गर्नुहुने देशभरिका सम्पूर्ण महाधिवेशन प्रतिनिधिप्रति हार्दिक धन्यवाद तथा कृतज्ञता व्यक्त गर्नुभएको छ।
उहाँले प्रतिनिधिहरूले व्यक्त गरेको विश्वासलाई जिम्मेवारीका रूपमा आत्मसात् गर्दै पार्टीलाई थप सशक्त, गतिशील र जनमुखी बनाउन प्रतिबद्ध रहने अपेक्षा गरिएको छ। साथै, लोकतान्त्रिक मूल्य–मान्यताको संरक्षण, संगठन विस्तार र युवा सहभागिता अभिवृद्धिमा उहाँको भूमिका महत्वपूर्ण हुने विश्वास गरिएको छ।
