नेपाल आइडल सिजन ४ मा निर्णायक सँगै होस्ट पनि नयाँ

भाद्र ०४ काठमाडौ । चर्चित सांगीतिक रियालिटी शो ‘नेपाल आइडल सिजन–४’ मा यस पाली नयाँ निर्णायकहरुको आगमन भएको छ सुिगम पोख्रेल, शम्भुजित बास्कोटा र शुभानी मोक्तान यस पाली निर्णायकको रूपमा नेपाल आइडलमा भित्रीएका हुन् । शोका टिमहरूले तस्विर राख्दै यी जजहरू भएको भन्दै सामाजिक सञ्जाल मार्फत जानकारी गराएका हुन् । त्यसै गरी यस पाली होस्टको रूपमा असिफ शाहलाई मोडेल रेश्मा घिमिरेले साथ दिँदै छिन् । निर्देशक सुरेश पौडेलले शोको निर्देशन गर्दै छन् । फ्रेन्चाइज गायन रियालिटी शो रहेको ‘आइडल’ पहिलो सिजनबाट नै चर्चामा आउनुका साथै यस रियालिटी शो – लाई दर्शकले अत्यधिक रुचाएका थिए । शोबाट केही गायकरगायिकाको उदय पनि भयो । ‘नेपाल आइडल’ एपिवान टेलिभिजनबाट प्रसारण हुँदै आएको छ ।