नारायणगढ, २४ माघ ।
फागुन ११ गते बाट प्रदर्शनको तयारीमा रहेको चलचित्र ‘गोर्खा वारियर्सु युनिटले प्रचारप्रसारलाई तीव्र पारेको छ । प्रदर्शन मिति नजिकिदै गर्दा प्रचारप्रसारका लागि चलचित्र युनिट देशदौडाहामा व्यस्त छ । सोही क्रममा चलचित्र युनिटले आज ९बुधबार० चितवनमा पत्रकार भेटघाट गरेको छ ।
नारायणगढस्थित होटल ह्याप्पी होममा आयोजित पत्रकार सम्मेलनमा निर्देशक मिलन चाम्सले विश्वलाई गोर्खाली चिनाउन चलचित्र निर्माण गरिएको बताएका छन् । विश्वभर ब्राण्ड नै बनेको गोर्खाको ईतिहासलाई चलचित्र मार्फत देखाउन खोजिएको चाम्सको भनाइ थियो ।
गोर्खा सैनिकले लडेको लडाई भित्रको संघर्ष तथा सफलताको कथाको गहिराईलाई विश्व सामू चिनाउन आवश्यक रहेको उनले बताए । पृथ्वीनारायण शाहको पालामा बनेको गोर्खालीको पहिचानलाई चलचित्रको माध्यमबाट देखाउन खोजिएको उनको भनाइ थियो । पृथ्वीनारायण शाहले बनाउनुभएको गोर्खालीको पहिचान विश्वमा ब्राण्ड नै बनेको छ । गोर्खा भनेपपछि संसारभर नै चर्चित छ । यो नेपालीको इमान्दारिता र विरताले बनेको ब्राण्ड हो । यसको गहिराईमा पुगेर एउटा दस्तावेज बन्न जरुरी थियो । त्यसैले हामीले यो चलचित्र बनाएका हौं, चाम्सले भने ।
गोर्खा सैनिक जंगल वारु का लागि चिनिने भन्दै चाम्सले यही बिषय चलचित्रमा उठाईएको बताए । गोर्खाको ईतिहास अब जोगाउन जरुरी रहेको चाम्सले बताए । चलचित्रले नयाँ पुस्तालाई वीर गोर्खालीको ईतिहास बुझाउन खोजेको पनि चाम्सको भनाइ थियो । बलिउडमा बन्ने फिल्ममा गोर्खा सैनिकलाई चौकीदारको रुपमा प्रस्तुत गरेर तल्लोस्तरको देखाईने गरेको भन्दै चाम्सले यस चलचित्रबाट गोर्खा सैनिकको वास्तविकता देखाउन खोजिएको बताए ।
चलचित्रका नायक रितेश चाम्सले ७० वर्ष अघिको गोर्खा सैनिकको कथा चलचित्रमा उठान गरिएको बताए । उनले चलचित्र कथा सुन्ने बित्तिकै आफू काम गर्न राजी भएको बताए । नेपाली ईतिहासका नदेखाईएका र नभनिएका धेरै कथा मध्य गोर्खा वारियर्सु एउटा कथा भएको उनको भनाइ थियो । उनले यही चलचित्रबाट सिनेमा क्षेत्रमा डेब्यु गरेका हुन् ।
नायिका रेविका गुरुङले गोर्खाली सैनिक युद्धामा जाँदा परिवारले भोग्नु परेको व्यथा चलचित्रमा रहेको बताईन् । गोर्खा सैनिकको परिवारले गरेको त्यागलाई चलचित्रले देखाउन खोजेको गुरुङले बताईन् । स(सना कुरालाई पनि गहिराईमा पुगेर अध्ययन गरे पश्चात चलचित्र तयार भएको उनको भनाइ थियो ।
७० वर्ष अघिको नेपाली महिलाको चरित्र निभाउनु वास्तवमै चुनौतीपूर्ण रहेको उनले सुनाईन् । निर्देशक चाम्सले आफू माथि विश्वास गरेर दिएको पात्रलाई न्याय गर्न शतप्रतिशत मेहनत गरिएको उनको भनाइ थियो । पुर्खाको कथा बुझ्न सबैले चलचित्र हेर्नुपर्ने उनले बताईन् । चलचित्रले समग्र नेपाललाई प्रतिनिधित्व गर्ने उनको भनाइ थियो ।
चलचित्र बिकास बोर्डका सदस्य रविचन्द्र अधिकारीले यस किसिम चलचित्र यस अघि नबनेको बताए । यस किसिमको चलचित्रलाई सरकारले पनि कर छुट दिनुपर्ने भन्दै अधिकारीले यसका लागि बिकास बोर्डबाट आवश्यक पहल गर्ने बताए । यो चलचित्र चले नेपाली ईतिहास बोक्ने अन्य चलचित्र बनाउन निर्माताहरु अघि सर्ने उनको भनाइ थियो ।
निर्देशक चाम्स र गिरिराज घिमिरेको कथा रहेको चलचित्रमा विजय लामा, रेविका गुरुङ, कविता आले, रियर राई, बिरूप घले, सारा राईलगायतको पनि मुख्य भूमिका रहेको छ । चाम्स इन्टरटेनमेन्ट र लन्डन सिनेआई प्रोडक्सनको ब्यानरमा निर्मित चलचित्रको निर्माता सुमन राई र सुस्मिता वाइवा हुन् । रविन्द्र न्यौपाने र बाबु श्रेष्ठको सिनेमाटोग्राफी रहेको चलचित्रलाई मिलन श्रेष्ठले सम्पादन गरेका हुन् । चलचित्रमा हिमाल केसीको द्धन्द निर्देशन छ ।
गत भाद्र २४ गते बेलायतमा चलचित्रको ग्राण्ड प्रिमियर गरिएको थियो । जहाँ चलचित्र रुचाईएको थियो । धरानमा फागुन ५, पोखरामा फागुन ७ र काठमाडौंमा फागुन ९ मा चलचित्रको प्रिमियर हुँदैछ ।
