भरतपुर,२६ असोज
चितवन बार एसोसिएसनका निवर्तमान सचिव एबम् अधिवक्ता विनोद मिश्रद्धारा निर्मित लघु चलचित्र “थर्ड आई” को प्रिमियर भएको छ।
आज भरतपुरको क्यू एफ एक्स (जलमा) हालमा एक कार्यक्रमका बीच चलचित्रको प्रिमियर गरिएको हो। कार्यक्रममा चितवन जिल्ला अदालतका माननीय न्यायाधीश वासुदेव न्यौपाने, श्रेस्तेदार विष्णु प्रसाद आचार्य, वैतानिक वकिल कुलचन्द्र खनाल अन्य कानुन व्यसायी, विभिन्न संघ संस्थाका प्रतिनिधिहरुको उपस्थिति रहेको थियो।
लघु चलचित्र ” थर्ड आई” सामाजिक कथावस्तुमा आधारित रहेर बनेको छ। जसमा मानिसले आफ्नो मृत्यु पछि आँखा दान गर्नु पर्छ भन्ने सन्देश प्रस्तुत भएको छ। चलचित्रले व्यवसायिक नभइकन सामाजिक उत्तरदायित्व निर्भाह गर्ने निर्माता विनोद मिश्रले बताउनु भयो।
चलचित्रमा सरोज दाहाल, कमला अधिकारी,विमला अधिकारी, दामोदर न्यौपाने, विनोद मिश्र, के. डी प्रशित लगायतको अभिनय छ।
