चितवन । पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डले गठबन्धनबाट निर्वाचनमा जाने पक्का भएको बताउनुभएको छ ।
बुधबार भरतपुर विमानस्थलमा पत्रकारहरुसँग संक्षिप्त कुराकानी गर्दै उहाँले काँग्रेसको केन्द्रीय समितिको निर्णयबाट अहिलेकै गठबन्धनबाट निर्वाचनमा जाने पक्का भएको बताउनु भयो ।
उहाँले भन्नुभयो,‘नेपाली काँग्रेसको केन्द्रिय कार्यसमिति बैठकले गठबन्धन गर्ने कुरा टुंगो लगाएको छ । अव कुन पालिकामा कसलाई समर्थन गर्ने भन्नेकुरा बसेर टुंगो लगाउँछौं ।’ महानगरपालिका र उपमहानगरपालिका माथिबाटै टुंगो लगाइने भन्दै उहाँले सम्भवत भोलिनै गठबन्धनले केही निर्णय लिन सक्ने बताउनुभयो ।
सबै राजनीतिक दलहरु निर्वाचनमा केन्द्रित भएकाले निर्वाचन हुँदैनकी भन्ने प्रश्न नरहेको प्रचण्डको भनाई छ । प्रचण्ड विभिन्न उद्घाटन र शिलानन्यासका कार्यक्रममा सहभागी हुन चितवन आउनुभएको हो ।
