भाद्र ०४, काठमाडौ । सलमान खान र कट्रिना कैफ आफ्नो फिल्म टाइगर थ्रीका लागि रुस प्रस्थान गरेका छन् । यी दुईलाई मुम्बई विमानस्थलमा देखिए । यो क्रममा विमानस्थलमा केन्द्रीय औद्योगिक सुरक्षा बलका एक जवानले अनुसन्धानका लागि सलमान खानलाई गेटमा नै रोकिदिए ।विमानस्थलबाट एउटा भिडियो सार्वजनिक भएको छ । यो भिडियोमा सलमान खानलाई विमानस्थलतर्फ गइरहेको देख्न सकिन्छ । उनीसँग उनको टीम पनि छन् र फोटोग्राफरले उनको तस्बिर माग गरिरहेका छन् । सलमान दुई महिनाका लागि विदेश जान लागेको बताइन्छ । सलमान खान विमानस्थलको गेटतर्फ अघि बढ्छन् जहाँ टिकट र परिचयपत्रको अनुसन्धान चलिरहेको छ । यस्तोमा एक जवानले सलमान खानलाई भित्र जानबाट रोकिदिन्छन् । साथै उनले पापाराजीलाई पछि हट्न पनि भन्छन् । त्यसपछि सलमान टीमसँग उभिन्छन् ।

Advertisement