साउन ३२ ,चितवन
भरतपुर -४,धर्मचोक,लंकु,चितवनमा वैदिक धर्म परिषद्को चितवन जिल्ला कार्यालय भवनको शिलान्यास-कार्यक्रम आज सम्पन्न भएको छ। वाग्मती प्रदेशका पर्यटन उद्योग वन तथा वातावरण संस्कृति मन्त्री शरेश नेपालको प्रमुख आतिथ्य एवम् वैदिक धर्म परिषद्का पूर्व केन्द्रीय अध्यक्ष स्वामी जगन्नाथार्य, वाग्मती प्रदेश सभा सदस्य विजय सुवेदी , योजना आयोगका सदस्य डा. यमुना कंडेल,सामाजिक विकास मन्त्रालयका उपसचिव गोपाल कंडेल र भरतपुर -४ का वडाध्यक्ष हरिप्रसाद आचार्यको विशिष्ट आतिथ्यमा सम्पन्न भएको सो कार्यक्रम श्री वैकुण्ठनाथ परमवैदिक विद्याप्रतिष्ठानम्(गुरुकुलम्)का विद्यार्थीहरूद्वारा गरिएको स्वस्तिवाचन एवम् वैदिक युवा परिषद्का केन्द्रीय अध्यक्ष प्रताप कंडेलद्वारा गरिएको स्वागत मन्तव्यका साथ शुभारम्भ भएको थियो।
वैदिक परिषद् चितवनका अध्यक्ष सावित्री कंडेलको सभापतित्वमा सम्पन्न भएको उक्त कार्यक्रमको संचालन वैदिक धर्म परिषद्का केन्द्रीय सहसचिव हरिप्रसाद कंडेलले गर्नुभएको थियो। कार्यालय भवन अनुमानित १ करोडको लागतमा १०५० स्क्वायर फुट क्षेत्रफलमा ८ कोठा र साढेदुईतलाको बन्ने वैदिक युवा परिषद्का केन्द्रीय अध्यक्ष प्रताप कंडेलले जानकारी दिनुभयो।
