छिल्लो समय नेपालमा शेयर बजारमा चमक बढेको देखिन्छ । जानेर वा हल्लाको पछि लागेरै होस् मानिसहरु शेयर बजारमा हात हाल्न थालेका छन् । डिम्याट एकाउन्ट नै २७ लाख भन्दा धेरैले खोलिसकेको बताइएको छ ।
यस अवस्थामा प्राथमिक शेयर आईपिओ कहिले खुल्छन भन्ने धेरैको चासो रहेको देखिन्छ । यही माघ २ देखि इन्फ्रास्ट्रक्चर बैंकले प्राथमिक शेयर बिक्री खुलाइ बाँडफाँड समेत गरेपछि अब नयाँ कम्पनीको आइपिओ बारे धेरै इच्छुक छन् ।
यही माघ महिनामा मात्रै दुइ कम्पनीले आईपिओ खुलाउने भएका छन् । महिला लघुवित्त वित्तीय संस्था लिमिटेडले माघ २८ गतेदेखि सर्वसाधारणका लागि प्राथमिक शेयर आईपीओ बि क्री गर्ने भएको छ। कम्पनीले ४ करोड रुपैयाँ बराबरको प्रति कित्ता १०० अंकित दरका ४ लाख कित्ता साधारण शेयर निष्का शन गर्न लागेको हो। लघुवित्तको अहिलेको पूँजी १० करोड रुपैयाँ रहेको छ ।
उक्त पुँजीको ४० प्रतिशतले हुन आउने रकम बराबरको शेयर जारी गर्न लागिएको हो ।निष्काशन गरिने कुल शेयरमध्ये जारी पूँजीको ०.५ प्रतिशत अर्थात ५ हजार कित्ता शेयर कर्मचारीहरुका लागि छुट्याइएको छ।
त्यसैगरी, सर्वसाधारणका लागि छुट्याइएको शेयरमध्ये ५ प्रतिशत अर्थात २० हजार कित्ता शेयर सामूहिक लगानी कोषका लागि छुट्याइएको छ।
सर्वसाधारणले बाँकी ३ लाख ७५ हजार कित्ता साधारण शेयरका लागि आवेदन दिन सक्नेछन्।
सो आईपीओमा छिटोमा फागुन २ गतेसम्म आवेदन दिन सकिनेछ। सो अवधिभरीमा पूर्ण आवेदन नपरेमा फागुन १२ गतेसम्म निष्काशन खुला गरिने लघुवित्तले जनाएको छ।
लगानीकर्ताले न्यूनतम १० कित्तादेखि अधिकतम १ हजार कित्तासम्मका लागि आवेदन दिन सक्नेछन्।लघुवित्तको आईपीओ निष्काशन तथा बिक्री प्रबन्धक नेपाल एसबिआई मर्चेण्ट बैंकिङ्ग लिमिटेड रहेको छ।
लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण आस्वा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन्। यसका साथै मेरोशेयर सफ्टवेयर प्रयोग गरी पनि आवेदन दिन सक्नेछन्।
यो लघुवित्तको मुख्य कार्यालय काभ्रेमा रहेको छ भने काठमाण्डौ उपत्यकाभित्र १० र बाहिरका विभिन्न जिल्लामा १० गरी २० शाखा कार्यालय रहेका छन्।
ग्रीनलाइफको आइपिओ यही शुक्रवारदेखि
आगामी शुक्रबारदेखि ग्रीनलाइफ हाइड्रोपावर लिमिटेडले पनि सर्वसाधारणका लागि आईपीओ जारी गर्दैछ । हाइड्रोपावरले सर्वसाधारणका लागि ३२ लाख ५१ हजार ६५२ कित्ता सेयर निष्कासन गर्न लागेको हो ।
उक्त सेयर निष्कासनको बिक्री प्रबन्धकको जिम्मा बिओके क्यापिटल मार्केट लिमिटेडले लिएको छ ।शुक्रवार अर्थात २३ गतेदेखि विक्री खुलाइने उक्त आइपिओ २७ गतेसम्म भर्न सकिनेछ ।
यस साधारण सेयर निष्कासन गर्न लागेको ग्रीनलाइफ हाइड्रोपावर लिमिटेड विभिन्न जलविद्युत आयोजनाहरुमा लगानी गर्ने उद्देश्य रहेको कम्पनी हो ।
कम्पनीले यसअघि सामूहिक लगानी कोष र कम्पनीको कर्मचारीहरुलाई छुट्टाएको सम्पूर्ण सेयर बाडँफाँट भइसकेको छ ।
पछिल्लो समयमा आइपिओ भर्ने व्यक्तिहरुको चाँप अत्याधिक भएको कारण धेरै व्यक्तिले शेयर नपाउने देखिएको छ । हालसम्मकै ठूलो निफ्राको आइपिओ सबैलाई परेपनि यी दुई कम्पनीको आइपिओ निश्चित व्यक्तिले त्यो पनि १० कित्ताका दरले पाउने निश्चित छ ।
