भरतपुर,चैत ७।
नेपाल कृषि मेशिनरी व्यवसायी संघको आयोजनामा चैत ९ देखि १२ गते सम्म ५ औं राष्ट्रिय कृषि यान्त्रिकरण प्रदर्शनी हुने भएको छ। यस अघि २०७६ सालमा चितवनमा पहिलो पटक यान्त्रिकरण प्रदर्शनी आयोजना गरिएको थियो।
नेपाल कृषि तथा पशुपालन क्षेत्रलाई यान्त्रिकरण, आधुनिकीकरण, व्यवसायीकरण तथा औद्योगिकरण गर्न यस किसिमको प्रदर्शनी आयोजना गर्न लागिएको संघका अध्यक्ष खोजराज कट्वालले जानकारी गराए। यस प्रदर्शनीमा आधुनिक कृषि,पशुपालन, मत्स्यपालन, पुष्प खेती, तरकारी खेती र प्रशोधन तथा बजारीकरण सम्बन्धि आधुनिक यन्त्र, बिउ बिजन, आधुनिक सिंचाइ लगाएतको राष्ट्रिय तथा अन्तर्राष्ट्रिय क्षेत्रमा रहेका प्रतिष्ठित कमपनिहरुको सहभागीता रहने छ।
भरतपुर महानगरपालिका,चितवन एक्स्पो सेन्टरमा हुने प्रदर्शनीमा कृषि सम्बन्धि आधुनिक प्रबिधि , विभिन्न कृषि औजार, उपकरण तथा सेवाहरुका बारेमा जानकारी, लगानिको अवसर, नेपालको कृषिलाई यन्त्रीकरण मार्फत व्यवसायिकरण गरी प्रतिस्पर्धा तथा आधुनिक कृषि प्रणालीको बिकासको बारेमा जानकारी पाउन सकिने छ।
प्रदर्शनीमा २० भन्दा बढी मुलुकबाट कृषि यन्त्र,औजार,उपकरण तथा प्राविधिका ५२ प्रदर्शनकर्ताहरुको सहभागीता हुने कट्वालले बताए। सथै प्रदर्शनीमा कृषि कर्जा मेला पनि हुने र उक्त कर्जा मेलामा २६ वटा बैंकले प्रतिनिधित्व गर्ने संघकि सदस्य सुनिता नेमाफुकिले जानकारी गराइन।
७० जिल्लाका करिब १ लाख भन्दा बढी अवलोकन कर्ताको उपस्थितीको अपेक्षा आयोजकले गरेको छ। सथै आयोजकले प्रदर्शनीबाट २० करोड भन्दा माथीको कारोबारको अपेक्षा समेत राखेको छ।
नेपाल राष्ट्र बैंकका गोभर्नर महा प्रसाद अधिकारीले उक्ता मेलाको उद्घाटन गर्ने छ्न।
