चैत्र ०४, चितवन ।
चितवनमा ‘प्रथम भरतपुर मेयर कप तीन दिवसीय र एकदिवसीय क्रिकेट–२०७८’ प्रतियोगिता हुने भएको छ । नारायणी एडर्भटाइजिङ एण्ड इभेन्ट्सको आयोजनामा चैत ९ गतेदेखि भरतपुरस्थित निर्माणाधीन गौतमबुद्ध अन्तर्राष्ट्रिय क्रिकेट रंगशालाको नमुना खेल मैदानमा हुनेछ ।आयोजक इभेन्ट्सले शुक्रबार विज्ञप्ती जारी गर्दै एकै पटक दुई विधामा प्रतियोगिता आयोजना गर्न लागेको जानकारी दिएको हो । पहिलो चरणमा चैत ९ देखि ११ गतेसम्म चितवन र मकवानपुरबीच तीन दिवसीय क्रिकेट प्रतियोगिता हुनेछ । त्यसलगत्तै चैत १३ देखि १६ गतेसम्म चितवन, मकवानपुर र नवलपुरबीच एकदिवसीय क्रिकेट प्रतियोगिता हुने आयोजक इभेन्ट्सका अध्यक्ष राजु चौधरी जानकारी दिए ।
नेपाललाई टेस्त राष्ट्र बनाउन सघाउ पुर्याउने उद्देश्यले चितवनमा पहिलोपटक प्रतियोगिता आयोजना गर्न लागिएको उनले बताए । चितवनमा पहिलोपटक आयोजना हुन लागेको यस प्रतियोगितलाई चितवन जिल्ला क्रिकेट संघले स्वीकृति प्रदान गरिसकेको छ । प्रतियोगिताका बिजेताहरुलाई नगद पुरस्कार प्रदान गरिने छ ।प्रतियोगिताको प्रवद्र्धकहरुमा भरतपुर महानगरपालिका र चितवन जिल्ला क्रिकेट संघ रहेको छ ।
