चैत्र ०१, चितवन ।गोरखाको मनकामना केवलकारले नाफाको १ प्रतिशत गाउँपालिकालाई दिने भएको छ । पालिका र कम्पनीबीच सहयोग सम्बन्धमा सम्झौता भएको हो । सामाजिक उत्तरदायित्व अन्तर्गत पालिकाको २ र ३ नम्बर वडाको विकासका लागि १ प्रतिशत नाफा पालिकालाई हरेक ३ महिनामा उपलब्ध गराउने सहमति भएको अध्यक्ष रमेशबाबु थापाले बताए ।

Advertisement

नयाँ सम्झौता अनुसार वडा नम्बर १ देखि ३ सम्मका नागरिक र उनीहरूका नातेदारलाई केवलकारको भाडामा ८० प्रतिशत छुट दिईएको छ भने त्यहाँका कर्मचारी र श्रमिकलाई ६५ प्रतिशत छुट दिने सहमति छ ।

Advertisement

यस्तै, गाउँपालिका र मातहतका कार्यालयहरूमा कार्यरत कर्मचारीहरू र १, २, ३ र ५ बाहेकका वडाका नागरिकलाई २५ प्रतिशत छुट हुनेछ । प्रभावित क्षेत्रका नागरिकको लगेजमा २० किलोसम्म ढुवानी निस्शुल्क गर्ने भएको छ ।