भरतपुर, चैत्र २२।
मिडिया नेपालका केन्द्रीय सदस्य राजेन्द्र कार्कीले राजीनामा दिनु भएको छ । आज (आइतबार) मिडिया नेपालका केन्द्रीय अध्यक्षलाई सम्बोधन गर्दै उहाँले राजीनामा दिनु भएको हो। कार्कीले चैत २५ मा हुने नेपाल पत्रकार महासंघको निर्वाचनमा सङ्गठनको काममा पार्टीले हस्तक्षेप गरेको भन्दै राजिनामा दिनु भएको हो । ‘केन्द्रीय सदस्यको रुपमा काम गर्दै आएको भए पनि पछिल्लो समयमा पाट्टिले हस्तक्षेप गर्दै जादाँ पदमा रहेर काम गर्न नसक्ने व्यहोरा सहित राजीननमा पत्र पेश गरेको जानकारी गराउन चाहान्छु’ कार्कीद्वारा जारी राजीनामा पत्रमा भनिएको छ । आफू जिम्मेवारीमा रहेको समयमा जिल्लामा भएका निर्णयहरु बैठक नै नबसी व्यक्तिगत रुपमा गरिएको समेत कार्कीले बताउनुभएको छ । उहाँले नेपाल पत्रकार महासंघको निर्वाचनका क्रममा पत्रकार महासंघमा पठाउने पत्रकारको विषयको आफूसँग कुनै सल्लाह नगरी पार्टीले हस्तक्षेप गरेको बताउनुभएको छ ।
