माघ २१, चितवन ।आज चितवनमा थप १३५ जना नयाँ संक्रमित थपिएका छन् । यस सँगै जिल्लाभर कोरोना संक्रमितको संख्या ३३ हजार ३९ पुगेको छ ।

Advertisement

यता आज जिल्लाभर सक्रिय संक्रमित ३ हजार ८६५ जना रहेका छन् । जसमध्ये ३ हजार ८२६ जना होम आइसोलेसनमा रहेका छन् भने ३९ जना अस्पतालमा रहेका छन् ।

चितवनमा एक सातामा एक हजार भन्दा बढी कोरोनामुक्त भएका छन् । स्वास्थ्य कार्यालय चितवनले सार्वजनिक गरेको एक रिपोर्ट अनुसार पछिल्लो एक सातामा १ हजार २९१ जना संक्रमणमुक्त भएका हुन् । त्यस्तै एक सातामा नयाँ संक्रमित १ हजार २९० थपिएका थिए ।

कार्यालयको तथ्यांक अनुसार चितवनमा तेस्रो लहर सुरु भएसँगै संक्रमण हुने र निको हुनेको संख्या बराबरी देखिएको छ । यस अवधि सम्ममा एक जनाले कोरोना संक्रमणका कारण ज्यान गुमाएका छन् ।