चितवन, फागुन २४।
१११ औं नारी दिवसको अवसरमा हेल्प फर हेप्पीनेसको आयोजनामा आज चितवनको भरतपुर अस्पतालमा रहेका ४७ जना सुत्केरी महिलालाई सुत्केरी प्याड र फलफूलको जुस बितरण गरिएको छ। हेल्प फर हेप्पिनेस चितवनका अध्यक्ष रमन वाग्ले ले उक्त कार्यक्रममा त्यहाँ काम गरि रहनु भएको श्रमजीवी महिला र नर्सलाई पनि फलफूलको जुस बितरण गरि महिला संसारलाई सुन्दर बनाउनका लागि महिलाको उच्च भूमिका रहँदै आएको र समान नेतृत्वका लागि एक-अर्काको योगदानको कदर गर्नु पर्ने बताउनु भयो ।
कार्यक्रममा बोल्दै संस्थाको उपाध्यक्ष अनुपमा ढकाल का अनुसार लैङ्गिक समतामूलक समाज निर्माण गर्नका लागि प्रतिबद्ध बनौँ । साथै, नेतृत्व लिन र स्विकार्न तत्पर रहौँ।
हरेक अवस्थामा मानव-अधिकारको सम्बोधन हुने गरी महिलाको नेतृत्वलाई सुनिश्चित गर्ने प्रतिबध्दता गरौ भनी सबैमा अन्तराष्ट्रिय नारी दिवसको शुभकामना पनि दिनु भयो।
