माघ ३०, चितवन
चितवनको कालिका नगरपालिकाले भरतपुर महानगरपालिकाको क्षेत्रभित्रको सडकमा फोहोर थुपार्दा सर्वसाधारण नाक थुनेर हिड्न बाध्य भएका छन् । भरतपुर महानगर र कालिका नगरपालिका जोड्ने भोजाड पदमपुर सडकखण्डअन्तर्गत दुई नगरको सिमाना खगेरि पुल क्षेत्रमा थुप्रिएको फोहोर डङ्गुरको दुर्गन्धले सर्वसाधारणलाई हिड्दा सकस भएको हो । तर आफ्नै नगरपालिका क्षेत्रको फोहोरलाइ उचित ब्यवस्थापन नगर्ने कालिका नगरपालिकाले उल्टै फोहोर ब्यवस्थापन गर्ने आफ्नो दायित्वबाट उम्कने प्रयत्नमा छ ।
यसै सम्बन्धी पत्रकार तिलक पौडेलले जानकारी माग्दै गर्दा कालिका नगरपालिकाका नगरप्रमुख खुमनारायण श्रेस्ठले गैरजिम्मेवार जवाफ दिदै पत्रकारलाई नै जवाफ फर्काउदै भने “फोहर व्यवस्थापन गर्ने मेरो दायित्व होइन, तपाईं आफै व्यबस्थापन गर्नुस ।” साथै उनले थपे “सचेत नागरिकले आफै व्यवस्थापन गर्छन नत्र भरतपुर महानगरपालिका गर्छ मेरो सरोकारको बिषय होइन” भन्दै आक्रोश ब्यक्त गरे ।
साथै उनले पत्रकारसँग आफुले फोनबाट जवाफ दिन नसक्ने र आफ्नै कार्यलयमा उपस्थिति जनाउन तथा आफुसँग टेवल बहस गर्न चुनौती दिदै पटक पटक फोन काटेका छन् । यता भरतपुर महानगरले भने आफु त्यो बिषयमा जानकार नरहेको भन्दै अझै मौन छ ।
महानगरका प्रमुख प्रशासकिय अधिकृत प्रेमराज जोशिले बिना सुचना कालिका नगरले थुपारिदिएको फोहोरले आँफुहरु आलोचित हुनुपरेको बताउँछन् । साथै उनले बिना सुचना भरतपुरको क्षेत्रमा फोहोर थुपार्ने कालिका नगरपालिकासँग जानकारि लिने र फोहोर ब्यबस्थापन गर्न ताकेता गर्ने प्रतिबद्धता व्यक्त गरेका छन् । कालिका नगरपालिका र मेयर श्रेष्ठ बिगतबाट नै यस्तै अन्य क्रियाकलापमा समेत अहमता देखाउदै गर्दा पटकपटक बिवादित बन्दै आएका छन् ।
