माघ ०८, चितवन ।चितवनमा पछिल्लो २४ घण्टामा कोरोना भाइरसबाट ४०८ जना संक्रमित भएका छन् ।५५६ जनाको पीसीआर र १८६ जनाको एन्टिजेन परीक्षण गर्दा ४०८ जनामा संक्रमण पुष्टी भएको हो । आज एक जना मकवानपुरका कोरोना संक्रमितले चितवनमा ज्यान गुमाएका छन् । योसँगै चितवनमा सक्रिय कोरोना संक्रमितको संख्या २७ सय ३६ पुगेको छ । जसमा महिला १४ हजार ३३ र पुरुष १५ हजार ९९० जना रहेका छन् ।
संक्रमित मध्ये ४७ जना जिल्लाका विभिन्न अस्पतालका आइसोलेसनमा रहेका छन् । दुई हजार ६८९ जना होम आइसोलेसनमा छन् । त्यस मध्ये धेरै संक्रमित भरतपुर महानगरपालिका भित्र रहेका छन् । तथ्याङ्क अनुसार भरतपुर महानगरपालिकाका २१ हजार ७१४ जना, माडी नगरपालिकाका १३ सय ६५ जना, राप्तीका ११ सय ६४ जना, रत्ननगरका २८ सय ४९ जना, खैरहनीका १६ सय ५ जना, कालिकाका एक हजार २१ जना र इच्छाकामनाका ३१९ जना संक्रमित भएका छन् ।
जिल्लामा कुल ३० हजार ३७ जना संक्रमित भएका छन् । स्वास्थ्य कार्यालय चितवनका अनुसार आज कोरोनाका कारण कसैको ज्यान गएको छैन । हालसम्म भने चितवका ४३७ जनाको कोरोना कारण ज्यान गएको छ ।
