बिनिता कडेल
माघ०३, चितवन ।पछिल्लो समय पर्यटकिय गन्तव्यको रुपमा परिचित ठाउँ हो नारायणी किनार। चितवन आउनेहरु सायदै हुन्छन होला नारायणी नजानेहरु। हप्तौदिन सम्म पनि फोहोर उठ्न नसकेको कारण नारायणी नदि दिनप्रती दिन प्रदुषित बन्दै गएको छ ।
चितवनबाट आउनेहरूसङ्गै चितवन बाहेक अन्य जिल्ला र ठाउहरुबाट पनि घुम्न जानेहरुको लागि लोकप्रिय ठाउँ हो नारायणी किनार। बिदाको छुट्टी मनाउन होस या कोहि कसै सङ्ग कतै समय कटाउन होस मान्छेहरु नारायणी पुग्ने गर्दछन । ठाउँठाउँमा फोहोर थुप्रीएको कारण घुम्न आउने पर्यटकहरुले असहज महसुस गरेको पाईन्छ ।
पुजा गर्न आउने भक्तजनहरुले पनि पुजा गरेपछि प्लास्टिक जन्य पदार्थ , टपरि तथा पुजाका सामाग्रीहरु त्यहि जथाभावी फालेको देखिन्छ ।
एक चटपट व्यापारीका अनुसार नारायणी नदि किनारको फोहोर ब्यबस्थापनको जिम्मा भरतपुर महानगर पालिकाले लिएको छ । ” हामीले महिनाको तीन हजार तिर्ने गरेका छौँ ” उनी भन्छन् । फोहोर नउठेको कारण आउने ग्राहकहरु बसेर खाजा खादैनन् भन्दै गुनासो गरे ।
वडा नं १ का वडा अध्यक्ष जयराम श्रेष्ठले भने नारायणी किनारको ब्यबस्थापन गर्ने जिम्मा आफुहरुको नभएको र भरतपुर महानगरपालिकाले यस्को जिम्मेवारी लिएको भन्दै उम्कने प्रयास गरे । आफुलाई यो विषयमा कुनै जानकारी नभएको बताए ।
यता, भरतपुर माहानगर पालिकाका प्रवक्ता तथा वडा न. १०का वडा अध्यक्ष अरुण पिडित भन्डारीका अनुसार नारायणी नदि किनारमा थुप्रीएको फोहोर चितवन महोत्सवबाट निस्केको बताए ।” महोत्सवको सम्पूर्ण जिम्मा उद्योग वाणिज्य संघको हो ” उनले भने । भन्डारिले पनि फोहोर महोत्सबबाट जम्मा भएको भन्दै गैरजिम्मेवारपुर्ण जवाफ दिए ।
यसरी पर्यटकिय गन्तव्यको रुपमा परिचित नारायणी किनारमा जथाभावी फोहोरहरु थुप्रनु र हप्तौं दिनसम्म पनि त्यसको उचित व्यवस्थापन गर्न नसक्नुले महानगरप्रती नै गम्भीर प्रश्न उब्जिएको छ । पर्यटकिय ठाउँ जस्तो स्थानहरुमा सफा गर्न पनि महानगरले अनेक बहाना बनाएर पन्छिने गरेको छ । यस्ले नारायणी घुम्न आउनेहरु प्रती त कमि आएकै छ भने महानगरको आयस्रोतमा समेत प्रभाव पार्ने देखिन्छ । सम्बन्धित निकायको बेलैमा ध्यान जाहोस् ।
