भरतपुर माघ १६ ।
निर्माणाधिन सिटिहल र गोन्द्राङ्ग – नारायणगढ ६ लेन सडकको प्रधानमन्त्री केपी शर्मा ओलिले सिलान्यास गर्ने भएपछि भरतपुर महानगरले विरोध जनाएको छ । आज प्रत्रकार सम्मेलन गरेर भरतपुर महानगरपालिकाले महानगर सगं कुनै समन्वंय र जानकारी नगराइ दुवै परियोजनाको सिलान्यास गर्ने तयारीको विरोध जनाएको हो । भरतपुर महानगरलाई निषेध गरेर संङ्घियताको मुलमर्म विपरित केन्द्रिकृत शासनको झल्को दिने गरि शिलान्यास गरिने भएकाले महानगरले विरोध जनाएको महानगर प्रमुख रेनु दाहालले बताउनु भयो । उहाँका अनुसार यो कार्यले स्थानिय सरकारको अधिकार माथि ठाडो हस्तक्षेप भएको छ ।
“भरतपुर महानगरले परिकल्पना गरेको सिटिहल र गोन्द्राङ्ग – नारायणगढ ६ लेन सडकको निर्माण कार्य तिब्र भइरहेको छ । पटक पटक सिलान्यास गर्ने अनुरोधलाई केन्द्रले अस्विकार गर्यो । अहिले चुनाव घोषणा गरेर गौरवका आयोजना सिलान्यास गर्ने काम पुर्ण रुपमा नियम विपरित छ ।”, प्रमुख रेनु दाहालले भन्नुभयो, “मनपरि ढंगले केन्द्रले शिलान्यास गर्दा स्थानिय निकायको भुमिका निर्धारण गर्नु पदैन ?”
सिटिहल मङ्सिर १४ गते शिलान्यास गर्ने गरि तयारी तिब्र पारिएको थियो । मङ्सिर १४ गते असफल भएपछि पुनः मङ्सिर २७ गर्ने महानगरले छलफल गरेको थियो । यस पटक पनि केन्द्रले अस्विकार गरेपछि पुष १० गते गरि महानगरले आन्तरिक तयारीलाई तिब्र पारेको थियो ।
उहाँले भोलि सिलान्यास गर्ने कार्यक्रमको अभिभावक भरतपुर महानगर भएकाले राज्य शक्तिको दुरुपयोग गरेर गरिने शिलान्यासको महानगरले बिरोध गरेको हो ।
यो संगै निर्माणाधिन सिटिहल र गोन्द्राङ नारायणगढ छ लेन सडक केन्द्र सरकार र भरतपुर महानगरको बिचको प्रतिष्ठाको लडाँइका रुपमा परिणत भएको हो ।
केन्द्रले सिटिहल र गोन्द्राङ नारायणगढ छ लेन सडकको शिलान्यास गरेर प्रतिष्ठाको बिषय बनाएपनि यि परियोजनामा महानगरको सक्रियता कम नहुने दाहाले प्रष्ट पानुभयो ।
भरतपुर महानगरपालिकाको गौरवको आयोजना सिटि हल निर्माणले तिब्रता लिएको छ । दुइ हजार सिट क्षमताको सिटिहलको लागी ठेक्का सम्झौता भएसंगै कामले गति लिएको छ । भरतपुर महानगरपालिका १० मा निर्माण भैरहेको सिटिहल मङ्सिर १८ गतेबाट निर्माण सुरु भएको थियो ।
सघन शहरी तथा भवन निर्माण आयोजना अन्तर्गत निर्माण भैरहेको हलको इण्डो सगुन रौताहा जेभीले निर्माण ठेक्का पाएको छ । ८७ करोड ८८ लाख निर्माण ठेक्का सम्झौतामा काम अघि बढाएको हो ।
भरतपुर महानगरको गौरवको आयोजना सिटीहल सम्झौता भएको २७ महिना भित्र निर्माण सम्पन्न हुने गरि कामले तिब्रता पाइरहेको छ । सिटिहलको अहिले सोलिंग गरेर पिपिसी भइरहेको छ ।
