बाल कुमारी सुस्त मन स्थिति कल्याण विद्यालयका नि. प्र . अ. श्री बुद्धिमान गुरुङले श्रवणशक्ती कम भएका बिद्यार्थीहरुलाई सामान्य साङ्केतिक भाषा र अरु विद्यार्थीको क्षमता अनुसार अध्यन गराईरहेको बताए। विद्यार्थीहरुलाई ल्याउन र पुर्याउन को लागि ई-रिक्साको ब्यबस्था समेत जानकारी दिए।भरतपुर महानगर पालिका , वडा कार्यलय र विभिन्न सङ्ग-सस्थाको सहयोगमा आज सम्म सस्था चल्दै आएको गुरुङले बताए । शिक्षकहरुको लागी विषेश शिक्षक परिक्षाबाट तलव आउने र १८ वर्ष भन्दा मुनिका विद्यार्थीलाई मासिक रु ५०० छात्रवृत्ति पनि आउने बताए । विद्यार्थीहरुसँग कुनै शुल्क नलिएको पनि दाबी गरे । बिहान १० बजे देखि बेलुका ४ बजे सम्म सामान्य रुपमै पढाईने गरेको बताए।
सामान्य परिस्थितिमा बिद्यालय सन्चालन गर्न कुनै समस्या नभए पनि कोरोना महामारिले भने थुप्रै समस्याहरु सृजना गरिदिएको गुनासो गरे। कोरोनाको महामारिले गर्दा विगद दुई वर्ष सम्म कुनै कार्यक्रम सन्चालन गर्न नपाएको गुनासो गरे । अहिले कतैबाट कुनै बजेट नआएको कारणले सस्था सन्चालन गर्न निकै गार्हो भएको छ उनले भने ।
बाहिरबाट दुई तले भवन देखिए पनि भित्र भने बिद्यार्थीको रुचि अनुसार भएको देखिदैन ।
विद्यालयका नि. प्र . अ. श्री बुद्धिमान गुरुङका अनुसार २७ जना विद्यार्थीहरु छन् तर कक्षा कोठामा हेर्दा जम्मा आठ जना बिद्यार्थी उपस्थित देखियो ।सोही बिद्यालयमा अध्यन गर्ने जुना तमाङकी आमा कमला तमाङका अनुसार बिद्यालयले कुनै शुल्क लिने नगरेको बताइन् । “बिहान १० बजे रिक्सा लिन आउछ र बेलुका २:३० तिर ल्याउने गर्छ” उनले भनिन् ।
त्यस्तै सोही बिद्यालयमा अध्यन गर्ने अर्का बिद्यार्थी अमृत सापकोटाका बुबा पोमलालले पनि बिद्यार्थीलाई राख्ने राम्रोसँग ब्यबस्था नभएको बताए । खाजाको नाममा कहिले मकै र कहिले चिया मात्र दिने गरेको गुनासो गरे ।” अचल किन हो कुन्नि बाबू मन लाएर बिद्यालय जान मान्दैन ” उनले भने।
