पौष २१, काठमाडौं । जिल्ला अस्पताल पाल्पाका ९ जना कर्मचारीमा कोरोना पुष्टि भएपछि अत्यावश्यक बाहेक सबै सेवाहरु बन्द गरेको छ । निमित्त मेडिकल सुपरिटेण्डेण्ट सहित ६ जना मेडिकल अधिकृत, एक जना डेन्टल सर्जन, एक जना ल्याब टेक्निसियन र एक जना पारामेडिक्स सहित ९ जनामा लक्षण सहितको कोरोना संक्रमण पुष्टि भएपछि अत्यावश्यक बाहेकका सेवा बन्द गरिएको अस्पताल प्रशासनले जनाएको छ ।
प्रशासनका अनुसार अस्पतालबाट प्रदान हुने आपतकालीन, प्रसूति सेवा, ल्याब, सुरक्षित गर्भपतन र बीमा रिफर बाहेकका अन्य चिकित्सकीय सेवाहरु अर्को व्यवस्था नभएसम्मका लागि स्थगित गरिएको हो ।
Advertisement
१० जना कर्मचारीमा गरिएको पीसीआर टेष्टमा ९ जनामा कोरोना संक्रमण पुष्टि भएको अस्पताल प्रशासनले विज्ञप्ति मार्फत जानकारी दिएको छ ।
Advertisement
