आदिवासी जनजातितर्फ खुला केन्द्रीय सदस्यमा चितवनबाट दुई जना बिजयी भएका छन् ।८ जना निर्वाचित हुने सो क्लष्टरमा चितवनबाट राज्यमन्त्री उमेश श्रेष्ठ र निवर्तमान जिल्ला सभापति टेकप्रसाद गुरुङ बिजयी भएका छन् । यहि क्लस्टरमा कांग्रेस जिल्ला सभापति जितनारायण श्रेष्ठ भने पराजित भएका छन् । श्रेष्ठ नवौं स्थानमा रहदै पराजित भएका हुन् ।
यो क्लस्टरमा प्रधानमन्त्री देउवा प्यानलका ७ र शेकर कोइराला प्यानका एक जना बिजयी भएका छन् । चितवनबाट निर्वाचित राज्यमन्त्री श्रेष्ठ देउवा प्यानलका हुन् भने गुरुङ कोइराला प्यानलका हुन् । पराजित जिल्ला सभापति श्रेष्ठ पनि देउवा प्यानलका हुन् ।
उता आदिवासी जनजाति महिला केन्द्रीय सदस्यमा चितवनबाट अञ्जनी श्रेष्ठले बिजयी भएकी छन् । महिलातर्फ ७ पदका लागि भएको निर्वाचनमा चितवनबाट संविधान सभा सदस्य समेत रहेकी श्रेष्ठ बिजयी भएकी हुन् । श्रेष्ठ कांग्रेस सभापति शेरबदाहुर देउवा प्यानलका हुन् ।
यस्तै दलित महिलातर्फ चितवनबाट शान्ति परियार निर्वाचित भएकी छन् । उनी पनि देउवा प्यानलकी नै हुन् ।
