पौष ०७, चितवन । हिमानी ट्रस्टले आज गैडाकोटका आठ विद्यालयमा राहत वितरण गरेको छ । गैडाकोट १ स्थित नेपाल राष्ट्रिय शमशेर माध्यमिक विद्यालयमा आयोजित कार्यक्रममा ट्रस्टका अध्यक्ष हिमानी शाहले विद्यार्थीहरुलाई न्यायो कपडा र स्वतः पानी शुद्धिकरण गर्ने फिल्टर बोत्तर वितरण गरेक हुन् ।
ट्रस्टले गैंडाकोट ३ स्थित पन्चकन्या आधारभूत विद्यालयका ७० जना विधार्थी, गैंडाकोट १ स्थित नेपाल राष्ट्रिय शमशेर माध्यमिक विद्यालयका सुस्त मनस्थिति र अपांग गरी ५७ जना, गैंडाकोट २ स्थित महेन्द्र स्मारक आधारभूत विद्यालयका ४५ जना, गैंडाकोट ३ हर्दी स्थित मौलादेवी आधारभूत विधालयका ५०, गैंडाकोट ६ स्थित भाग्यद्व्य आधारभूत विद्यालयका २५ जना, गैंडाकोट ७ स्थित नारायणी माध्यमिक विद्यालयका ८२ जना र गैंडाकोट १ धारापानी स्थित अपांग जीवन विकास संस्थाका १५ जना गरि कुल ३८४ जनालाई राहत वितरण गरेको हो ।
कार्यक्रममा जिल्ला शाखा नवलपुरका कार्यालय प्रमूख उत्तम निरौलाले दुषित पानीका कारण बालबालिकाको स्वास्थ्यमा प्रतिकुल असर पार्ने र स्वास्थ्यमा विभिन्न समस्या आउने गरेको भन्दै त्यस्तो समस्यालाई न्यूनिकरण गर्न ट्रस्टले राहत स्वरुप यस्ता सामग्री वितरण गरेको जानकारी दिए ।
देश गणतन्त्रमा रुपान्तरण भएपछि हिमानी ट्रस्टमार्फत समाज सेवामा सक्रिय छिन् । वि.सं २०६७ सालमा स्थापना भएको ट्रस्टले विभिन्न ठाउँमा सहयोग गर्दै आएको छ । हिमानी ट्रस्टले खासगरी महिला, युवा, बालालिका र ज्येष्ठ नागरिकलाई सहयोग गर्छ ।
