मंसिर २९ मकवानपुर । हेटौंडा उपमहानगरपालिका वडा नम्वर १९ दामिटारस्थित आज बिहान सवारी दुर्घटना हुँदा एक जनाको मृत्यु भएको छ ।
मृत्यु हुनेमा चितवन रत्ननगर बस्ने ४० वर्षीय युवराज आचार्य रहेको जिल्ला प्रहरी कार्यालय मकवानपुरका प्रहरी निरीक्षक देवेन्द्र दासले जानकारी दिए ।बिहान ६ः३० बजेको समयमा हेटौंडाबाट मनहरीतर्फ आउँदै गरेको बागमती प्रदेश ०३–००१ ख १८४९ नम्वरको ईटा लोड टिपरले चितवनबाट हेटौंडातर्फ जाँदै गरेको ना ४९ प ८२५२ नम्वरको मोटरसाइकललाई ठक्कर दिँदा आचार्यको घटनास्थलमै मृत्यु भएको प्रहरी निरीक्षक दासले बताए ।उनका अनुसार, मृतक आचार्य मोटरसाइकल चालक हुन् । यस्तै, सोही दुर्घटनामा परेर मोटरसाइकलमा सवार बागलुङ जैवनी बस्ने ३३ वर्षीय नुरबहादुर थापा घाइते भएका छन् । उनलाई उपचारको लागि हेटौंडास्थित चुरेहिल अस्पतलामा लगिएको छ । उनको अवस्था सामान्य रहेको छ ।
उक्त टिपर चालक हाल फरार रहेको र उनको खोजीकार्य हुनुको साथै घटनाको विषयमा आवश्यक अनुसन्धान भइरहेको मकवानपुर प्रहरीले जाएको छ ।
