कांग्रेसको निर्वाचन समितिका अनुसार विजयी थापाले ८४४ मत प्राप्त गरे भने घिमिरेले ८४२ मत ल्याए। सुरुदेखि अग्रता लिइरहेका घिमिरेलाई अन्तिम परिणाम आउँदा थापाले मात्र २ मतले पछाडि पारे र विजयी भए।
कांग्रेसको १४औं महाधिवेशनअन्तर्गत प्रदेश नम्बर १ को सभापतिसहित धेरैजसो पदाधिकारीमा पनि संस्थापन पक्षकै उम्मेदवारले जितेका छन्। पौडेल–कोइराला समूहबाट महामन्त्री पदमा एक जना मात्र विजयी भएका छन्।
उपसभापति पदमा संस्थापन समूहका रमेशजंग रायमाझी (८९१) र टंकप्रसाद राई (८४७) विजयी भएका छन्। संस्थापन इतरका गोविन्दप्रसाद ढुंगाना (केदार) ले ७६५ र विश्वनाथ रिजाल (त्रिलोचन) ले ६६९ मत ल्याएर हारेका हुन्।
महामन्त्री पदमा भने संस्थापनका भूपेन्द्र राई (८२४) र इतर समूहका उमेश थापा (८२३) विजयी भएका छन्। पराजित दीपन कुमार श्रेष्ठले ७६४ र पदम सुन्दर पालुङ्गवाले ८०७ मत ल्याएका छन्।
सहमहामन्त्री पदमा संस्थापन पक्षका खड्ग फागो (१०२६) र विनोदकुमार बस्नेत (७४७) विजयी भएका छन्। इतर समूहका रोहितकुमार शाह (६६५), विरकाजी राई )६४७) र शुभचन्द्र राई (८४) ले हारे।
सहमहामन्त्री महिलामा पनि संस्थापन पक्षकै प्रमिला गछदार (८३७) विजयी भएकी छन। उनका निकटतम प्रतिद्वन्द्वी सीता कार्कीले ७३३ मत ल्याइन्। प्रदेश १ को कांग्रेस निर्वाचनमा देउवा–सिटौला र पौडेल–कोइराला पक्षबीच प्रतिस्पर्धा भएको हो।
प्रदेश १ मा कूल १ हजार ७५२ मत खसेको कांग्रेस निर्वाचन समितिले जनाएको छ।
