किरण रानामगर
असोज १८, चितवन । नेपाली काङ्ग्रेसका जिल्ला कार्यसमिति चितवनका सभापति जित नारायण श्रेष्ठले आफुले कहिले पनि पार्टीको कुनै पनि पद दोहोर्याएर नखाने बताउनुभएको छ । सोमबार नेपाली काङ्ग्रेसको १४औ महाधिवेशन बाट निर्वाचित पदाधिकारीहरुलाई बधाई, शुभकामना तथा पद हस्तान्तरण कार्यक्रममा बोल्नु हुँदै उहाले आफूले कहिल्यै पनि पार्टीको पद दोहोर्याएर नखाने प्रतिबद्धता व्यक्त गर्नुभएको हो। ” मैले काम गर्न नसके गर्दिन, यदि म भन्दा अर्को व्यक्ती सक्षम र राम्रो छ भने उहालाई भोट दिनुस, जिताउनुस मलाई केही फरक पर्दैन , तर मलाई पार्टीको कुनै पनि पद दोहोर्याएर खानु छैन श्रेष्ठले भन्नुभयो””! फरक प्रसङ्गमा बोल्नु हुँदै श्रेष्ठले चितवनको काङ्ग्रेसले अब आउने चुनाबमा रुखमा बाहेक अन्यमा भोट नहाल्ने समेत बाचा गर्नुभयो!
पार्टी भित्रकै मान्छेहरु मिल्न नसक्दा आफुहरुले राम्रोसङ्ग कार्यसम्पादन गर्न नसकेको भन्दै आफुहरुको काम एयरपोर्टमा गएर नेताहरुलाई स्वागत गर्ने मात्रै भएको बताउनु भयो। पार्टीभित्रै बिबाद हुदा आफुहरुलाई केन्द्रले झुक्काउने गरेको आरोप समेत लगाउनु भयो। श्रेष्ठले भरतपुर महानगरबाट निर्वाचित सम्पुर्ण कार्यसमिति पदाधिकारीहरुलाई आगामी कार्यकालको शुभकामना दिनुभएको थियो। नेपाली काङ्ग्रेसको १४औ महाधिवेशनबाट नव निर्वाचित विभिन्न पदका पदाधिकारीहरुलाई एक कार्यकमका बिच आज बधाई , शुभकामना तथा पद हस्तान्तरण गरिएको छ ! भरतपुर महानगरपालिका १५ मा रहेको अतिथी पार्टी प्यालेसमा कार्यक्रम सम्पन्न भएको हो । कार्यक्रम नेपालि काङ्ग्रेस भरतपुर महानगरपालिका का पुर्व सभापति भरत अधिकारीको सभापतित्वमा सपन्न भएको थियो भने प्रमुख अतिथिमा नेपाली काङ्ग्रेस जिल्ला कार्य समिती चितवनका सभापति जित नारायण श्रेष्ठ रहनु भएको थियो । त्यस्तै गरि अतिथिहरुमा निवर्तमान पार्टी सभापति रामकृष्ण घिमिरे , उत्तम जोशी लगायत अन्य नव निर्वाचित पदाधिकारी र नेपाली काङ्ग्रेसका कार्यकर्ताहरुको उपस्तिथि रहेको थियो । कार्यक्रमको बारेमा निवर्तमान भरतपुर महानगरका सभापति भरत अधिकारिले प्रकाश पार्नु भएको थियो ।
