चितवन । चितवन ग्रिन लियो क्लबले देवघाट स्थित रामजानकी बालिका आश्रमलाई स्वास्थ्य सामाग्रीहरु सहयोग गरेको छ ।
कृष्ण जन्माष्टमीको पावन अवसर पारेर क्लबले एक कार्यक्रम आयोजना गरि आश्रममा रहेका बालिकाहरुलाई खाना खुवाउने र स्वास्थ्य सामाग्री सहयोग गरेको हो । सामाग्री हस्तान्तरण पछी बालिकाहरु संग भजनकृतन गर्दै बालिकाहरुलाई खाना समेत खुवाइएको थियो ।कार्यक्रममा बाेल्दै आश्रमका मामाले युवाहरु समेत समाज परिवर्तनमा लागेको र सहयोग गरेकोमा खुशी व्यक्त गर्दै धन्यवाद दिए ।
चितवन ग्रिन लियो क्लब अध्यक्ष सुबर्ण खरेलको अध्यक्षतामा भएको कार्यक्रम लियो जिल्ला परिषद् ३२५ बि २ नेपाल अन्तर्गत,एरीया -३ चिफ कोर्डीनेटर विज्ञान पौडेल प्रमुख अतिथि रहेका थिए भने निवर्तमान अध्यक्ष बिकास मृश्रा अतिथि रहेका थिए ।
कार्यक्रममा क्लबका प्रथम उपाध्यक्ष हरि पौडेल स्वागत मन्तव्य दिएका थिए भने क्लबका सचिव सुजन पौडेलले कार्यक्रमकको सहजिकरण गरेका थिए।
बालिकाहरुलाई स्वास्थ्य सामाग्री र सेनेटरी प्याड भरतपुर १० कन्या कलेज रोडमा स्थित एसियन फामेसीको सौजन्य रहेको थियो ।
