भाद्र ०४ चितवन । चितवनमा पछिल्लो २४ घण्टामा थप १०२ जनामा कोरोना भाइरसको संक्रमण पुष्टि भएको छ । ८३७ जनामा कोरोना परीक्षण गर्दा १०२ जनामा संक्रमण पुष्टि भएको हो ।स्वास्थ्य कार्यालय चितवनका अनुसार चितवनमा सक्रिय संक्रमितको संख्या २ हजार २२९ पुगेको छ ।पछिल्लो २४ घण्टामा चितवनमा २२१ संक्रमित संक्रमणमुक्त भएका छन् । यस्तै चितवनमा पछिल्लो २४ घण्टामा अस्पतालमा ४ संक्रमितको मृत्यु भएको छ । मृत्यु हुनेमा नवलपरासीका दुई र चितवन र रुपन्देहीका एक/एक जना रहेका छन् । यस्तै चितवनको अस्पतालमा उपचार गराइरहेका कोरोना संक्रमितको संख्या घट्दै गएको छ ।पाँच दिनअघि जिल्लाका अस्पतालमा २३० जना संक्रमित उपचाररत थिए ।कार्यालय अनुसार शुक्रबार जिल्लाका विभिन्न अस्पतालमा गरी १८१ संक्रमित उपचाररत छन् ।आज शुक्रबार उपचाररत १८१ मध्ये भरतपुर अस्पतालमा ९१, चितवन मेडिकल कलेजमा ४४, पुरानो मेडिकल कलेजमा ११, क्यान्सर अस्पतालमा ७ र अन्य साना अस्पतालमा २० संक्रमित छन् ।
