चितवन- पछिल्लो डेढ दशकदेखि चितवनमा बसेर सामाजिक सेवा, शैक्षिक क्षेत्रमा सक्रियता तथा विद्यार्थी राजनीतिमा निरन्तर क्रियाशील युवा तारा प्रसाद कँडेल नेपाली कांग्रेसको आसन्न १५औँ महाधिवेशनमा चितवन क्षेत्र नम्बर २ बाट अपाङ्गता आरक्षित कोटातर्फ महाधिवेशन प्रतिनिधिका लागि उम्मेदवारी दिने भएका छन्।
सप्तगण्डकी बहुमुखी क्याम्पसबाट स्नातक अध्ययन गरेका कँडेल स्थानीय स्तरमा विभिन्न शैक्षिक संस्थाहरूको सञ्चालन तथा व्यवस्थापनमा समेत संलग्न रहँदै आएका छन्। भरतपुर महानगरपालिका–४, लङ्कू निवासी कँडेल शिक्षासँगै सामाजिक सेवामा पनि सक्रिय छन्।
विभिन्न धार्मिक तथा सामाजिक संघ–संस्थासँग आबद्ध कँडेल हरिकीर्तन धार्मिक संस्था लक्ष्मी वैङ्कटेश मन्दिरमा कोषाध्यक्षका रूपमा निरन्तर धार्मिक तथा सामाजिक सेवामा सक्रिय हुनुहुन्छ।साथै, कंडेल हरिकिर्तन टोल विकास संस्थाको सचिव पदमा रहेर विगत १० वर्षदेखि निरन्तर सामाजिक सेवामा सक्रिय रहँदै आएका छन्। स्थानीय समुदायसँग प्रत्यक्ष रूपमा जोडिएर उनले विभिन्न सामाजिक, धार्मिक तथा सामुदायिक गतिविधिमा योगदान पुर्याउँदै आएका छन्।
शिक्षा, समाजसेवा र विद्यार्थी राजनीतिलाई आफ्नो सक्रियताको प्रमुख क्षेत्र बनाउँदै आएका कँडेलले स्थानीय तहदेखि पार्टी संगठन र समुदायसँगको सम्बन्धलाई थप सुदृढ बनाउँदै आएका छन्।
नेपाली कांग्रेसको १५औँ महाधिवेशनअन्तर्गत यही असोज १० गते चितवनको नारायणी कला मन्दिरमा हुने क्षेत्रीय अधिवेशनमा कँडेलले अपाङ्गता आरक्षित कोटातर्फ महाधिवेशन प्रतिनिधिका रूपमा प्रतिस्पर्धा गर्ने तयारी गरेका छन्।
