काठमाडौँ –
Advertisement
नारायणगढ–मुग्लिन सडकखण्ड अन्तर्गत नाम्सी खोला पुल नजिकै माथिबाट ढुंगा खसेको छ । बिहीबार बिहान पुल नजिकैको ढिकबाट स–साना ढुंगाहरू सडकमा झरेको सडक डिभिजन कार्यालय भरतपुरले जनाएको छ ।
Advertisement
सडक डिभिजनले बिहान ९ः३५ बजे एक सूचना जारी गर्दै सडकमा खसेका ढुंगाहरू पन्छाउने तयारी भइरहेको जानकारी दिएको छ । स–साना ढुंगाहरू मात्र झरेको हुनाले त्यसलाई हटाएर सडक पूर्ण रूपमा सुचारु गर्न धेरै समय नलाग्ने कार्यालयले स्पष्ट पारेको छ ।
यद्यपि, सडक माथिबाट ढुंगा खस्ने जोखिम कायमै रहन सक्ने भएकाले उक्त सडकखण्ड प्रयोग गर्ने चालक तथा यात्रुहरूलाई विशेष सावधानी अपनाउन सडक डिभिजन भरतपुरले अपिल गरेको छ । कार्यालयले भनेको छ, ‘यात्रा गर्दा सडकको अवस्था हेरेर, आवश्यक परे रोकेर र बुझेर मात्रै सुरक्षित यात्रा गर्नुहुन अनुरोध छ ।’
