काठमाडौँ –
नेपाली कांग्रेसका नेता दीपक खड्काले पार्टीका सभापति गगनकुमार थापाको कार्यशैलीप्रति कडा असन्तुष्टि जनाएका छन्। खड्काले वि.सं. २०८२ को राजनीतिक परिदृश्य प्रस्तुत गर्दै थापाको नेतृत्व क्षमता र नियतमाथि प्रश्न उठाएका हुन्।
उनले बीपी कोइरालाको सफल ऐतिहासिक नेतृत्व र गगन थापाको असफल नेतृत्वको तुलना गरेका छन् । ‘वि.सं.२०१४ सालमा बीपी कोइराला विशेष महाधिवेशनबाट सभापति बनेपछि सबैलाई समेटेर पार्टी एकताबद्ध बनाए,’ खड्काले भने, ‘त्यसैको परिणामस्वरूप २०१५ सालमा कांग्रेसले १०९ मध्ये ७४ सिट जितेर दुई तिहाइ नजिकको सरकार बनायो।’
खड्काले थापालाई दुईमध्ये एक बाटो रोज्न चुनौती दिए। ‘म सबैलाई मिलाउन सक्दिनँ भनेर आफ्नो सीमितता स्वीकार गर्नुपर्छ,’ खड्काले सुझाव दिए, ‘अन्यथा सबै पक्षलाई समेटेर पार्टीलाई बलियो र एकताबद्ध बनाउनुपर्छ।’ कुर्सी प्राप्त गर्नु मात्र नेतृत्व नभई इतिहासको जिम्मेवारी पूरा गर्नु नै वास्तविक नेतृत्व भएको उनको निष्कर्ष छ।
