भरतपुर – चितवनको भरतपुरमा टिभीएस मोटर कम्पनीको नयाँ इलेक्ट्रिक स्कुटर टिभीएस अर्बिटर सार्वजनिक गरिएको छ।
जगदम्बा मोटर्सको आधिकारिक बिक्री सञ्जालमार्फत सार्वजनिक गरिएको अर्बिटरमा ३.१ kWh ब्याट्री, १५८ किमि IDC रेन्ज, १४ इन्च फ्रन्ट ह्विल, ३४ लिटर बुट स्पेस, क्रुज कन्ट्रोल र हिल होल्ड असिस्ट लगायतका सुविधा छन्।
स्कुटरमा मोबाइल कनेक्टिभिटी, टर्न–बाइ–टर्न नेभिगेसन, जियोफेन्सिङ, लाइभ लोकेसन ट्र्याकिङ, चोरी तथा दुर्घटना अलर्ट र OTA अपडेटजस्ता स्मार्ट फिचर पनि उपलब्ध छन्।
चितवनका लागि आधिकारिक विक्रेता मलाश्री मोटर्सका प्रबन्ध निर्देशक भीमसेन श्रेष्ठले TVS iQube को सफलतापछि अर्बिटरले नेपालको EV बजारमा टिभीएसको उपस्थितिलाई थप मजबुत बनाउने विश्वास व्यक्त गरे।
अर्बिटर Neon Sunburst, Cosmic Titanium र Martian Copper गरी तीन रंगमा उपलब्ध छ। कम्पनीका अनुसार यसको परिचयात्मक मूल्य २ लाख ८१ हजार ९ सय रुपैयाँ तोकिएको छ।
