चितवन- श्रावण सोमबारका अवसरमा देवघाटधाममा दर्शन तथा पूजाआजाका लागि पुगेका श्रद्धालु भक्तजनहरूलाई लक्षित गरी लायन्स क्लब अफ चितवन युथ र लायन्स क्लब अफ चितवन युथ सयपत्रीको संयुक्त आयोजनामा शुद्ध गुँड (शरबत) तथा शुद्ध पिउने पानी वितरण कार्यक्रम सम्पन्न भएको छ।
लायन्स अन्तर्राष्ट्रिय डिष्ट्रिक्ट ३२५ आर, नेपाल अन्तर्गत आयोजित उक्त कार्यक्रम जोन चेयरपर्सन लायन ज्योति भण्डारी पौडेलको प्रमुख आतिथ्यमा सम्पन्न भएको हो। श्रावण महिनाको सोमबार देवघाटधाममा उल्लेख्य संख्यामा आउने श्रद्धालुहरूको स्वास्थ्य, सहजता र सेवाभावलाई मध्यनजर गर्दै कार्यक्रम सञ्चालन गरिएको आयोजकले जनाएको छ।
कार्यक्रमका संयोजक लायन्स क्लब अफ चितवन युथका पूर्व अध्यक्ष एवं डिष्ट्रिक्ट प्रोग्राम मेम्बर लायन विक्रम सापकोटाले आफ्नी सुपुत्री सुश्री विजिता सापकोटाको जन्मदिनको अवसरलाई सामाजिक सेवासँग जोड्दै उक्त कार्यक्रम आयोजना गरेका हुन्। कार्यक्रमको सम्पूर्ण समन्वय तथा व्यवस्थापनको जिम्मेवारी आफैं वहन गर्दै कार्यक्रमलाई सफल बनाउन उनले महत्त्वपूर्ण भूमिका निर्वाह गरेका थिए।
कार्यक्रम आयोजक संस्थाका अध्यक्ष एमजेएफ लायन शोभाखर अधिकारीका अनुसार उक्त सेवामूलक अभियानबाट २५० भन्दा बढी तीर्थालु प्रत्यक्ष रूपमा लाभान्वित भएका छन्। धार्मिक आस्थासँगै मानव सेवाको भावनालाई प्रवर्द्धन गर्ने उद्देश्यले कार्यक्रम आयोजना गरिएको उनले बताए।
कार्यक्रममा लायन्स क्लब अफ चितवन उत्तरका अध्यक्ष एनएलएफ लायन सुधा पौडेल, लायन्स क्लब अफ चितवन युथका पूर्व अध्यक्षहरू एमजेएफ लायन कमलबहादुर पौडेल, एमजेएफ लायन आनन्द पौडेल, एमजेएफ लायन दीपक ढकाललगायत दुवै क्लबका पदाधिकारी, सदस्य तथा लायन्सकर्मीहरूको उल्लेखनीय उपस्थिति रहेको थियो।
लायन्सको “Service first mark for ever ” तथा “Rooted in Service” अभियानलाई आत्मसात् गर्दै सञ्चालन गरिएको यस कार्यक्रमले देवघाट आएका तीर्थयात्रीहरूलाई आवश्यक राहत र सहजता प्रदान गर्नुका साथै जन्मदिनजस्ता व्यक्तिगत खुसीका अवसरलाई सामाजिक सेवासँग जोड्ने सकारात्मक सन्देश समेत दिएको सहभागीहरूले बताएका छन्।
