चितवन-
स्पाउज क्लब अफ आर सी चितवनले मेहन्दी कार्यक्रम सम्पन्न गरेको छ । पौराणिक कालदेखी चलिआएको हिन्दु संस्कृति , परम्परालाई निरन्तरता दिने उद्देश्य सहित कार्यक्रमको आयोजना गरिएको हो । कार्यक्रममा सचिब घिमिरेले श्रावण महिना को महत्व माथी प्रकाश पार्दै सबै नेपाली महिला हरुलाइ एकताबद्ध बनाउन र भाईचाराको सम्बन्ध बढाउन यो कार्यक्रम ले सहयोग गर्ने बताउनु भयो । सो अबसरमा बोल्दै अध्यक्ष जानकी शर्माले रोटरी को महिला शसक्तिकरण र सामाजिक दायित्व पूरा गर्न र आपसी सद्भाव र सहकार्य कायम गर्न कार्यक्रम ले महत्वपूर्ण भुमिका निभाएको बताउनु भयो ।
क्लबले महिला र बालबालिका हरुको लागि निशुल्क स्वास्थ्य सिबिर, रोजगारमुलक तालिम कार्यक्रम, शैक्षिक सामग्री बितरण, बृद्धाश्रममा तिजको दर खुवाउने कार्यक्रम ,बालबालिका हरुका लागि पोषण कार्यक्रम र महिला बिशेसत स् युवती महिनाबारी स्वास्थ्य जागरण (mentural hygeine awareness campaign) लगायत चितवन रोटरी क्लब सग सहकार्य गर्दै विविध कार्यक्रम गरि समाजलाइ महत्त्वपूर्ण योगदान दिने बार्षिक कार्ययोजना रहेको जानकारी दिनुभयो । कार्यक्रमको समापनम सबै महिला दिदी बहिनीहरुले एक अर्कामा मेहन्दी लगाइ सामाजिक काममा एक्यवद्धता ब्यक्त गरेका थिए । कार्यक्रममा पुर्ब अध्यक्ष, बोर्डका पदाधिकारी ,सदस्यहरुको उल्लेख्य उपस्थिती थियो । बबिता घिमिरेले संचालन गर्नु भएको सो कार्यक्रमको अध्यक्षता क्लबका अध्यक्ष जानकी शर्मा तिवारीले गर्नु भएको थियो ।
