काठमाडौं ।
ज्येष्ठ नागरिकहरुको अल्जाइमर रोग र डिमेन्यिासको स्क्रीनिङ कार्यक्रम सम्पन्न भएको छ ।
नयाँ वर्ष र मातातीर्थको अवसर पारेर सेन्टरले यही वैशाख ९ गते निःशुल्क रक्तचाप, मधुमेह, स्मरण शक्ति र शारीरिक जाँच कार्यक्रम राखेको थियो । स्वयम्भूस्थित नेपाल जेरियाट्रिक्स सेन्टरमा भएको स्क्रीनिङमा ६० वर्ष वा सोभन्दा बढी उमेर भएका … ज्येष्ठ नागरिक सहभागी हुनुभयो ।
नेपाल जेरियाट्रिक्स सेन्टरका निर्देशक डा. जगदीशकुमार क्षेत्री भन्नुहुन्छ, ‘हाम्रो थुप्रै जेष्ठ नागरिकहरुलाई विर्सने समस्या सुरु भइसकेको रहेछ । कति त डिमेन्सियाको स्थितिमा पुगिसक्नु भएको रहेछ ।’
ज्येष्ठ नागरिकहरुले विगतमा अल्जाइमर रोग र डिमेन्यिासको स्क्रीनिङ गर्ने र समस्या के हो भन्ने थाहा पाउनु अवसर पाउनु भएको थिएन ।
सेन्टरले पहिलो पटक गरेको निःशुल्क शिवरको रिजल्टले यस्तो कार्यक्रम नियमित रुपमा र अन्यत्र पनि गर्नुपर्ने देखाएको डा. क्षेत्री बताउनुहुन्छ ।
स्क्रीनिङमा सहभागीमध्ये कतिपय श्रीमान् श्रीमती पनि हुनुहुन्थ्यो । उहाँहरु दुबै जनामा समेत विर्सने समस्या देखियो ।
अल्जाइमर रोग वंशाणुगत हुन्छ । तर कतिपयको हकमा खानपान र बसोबासका कारण पनि हुन्छ । कहाँ कहाँ श्रीमान् श्रीमती दुबैमा विर्सने समस्या देखिनुले कतै खानपान र बसोबास त होइन भन्ने देखिएको छ ।
डा. क्षेत्री भन्नु हुन्छ, ‘भोलि गएर हामी सबै बुढ्यौलीको बाटोमा हिडछौं । त्यसैले आजैदेखि स्वास्थ्य जाँच गर्न सिकौं । आफ्नो पनि ख्याल राखौं, परिवारमा भएका ज्येष्ठ नागरिकहरुको पनि स्वास्थ्य जाँच गराऔं ।
नेपाल जेरियाट्रिक्स सेन्टर, ६० वर्ष वा सोभन्दा माथिका व्यक्तिहरूका लागि स्वस्थ बुढ्यौली, रोकथाममुखी स्वास्थ्य सेवा र स्वास्थ दीर्घायु प्रर्वद्घन गर्ने उद्देश्यले खुलेको हो । यो ज्येष्ठ नागरिकहरूका लागि वान स्टप शोलुसन हो ।
यहाँ अन्तराष्ट्रिय अनुभव प्राप्त जेरियाट्रिसियन, विशेषज्ञ फिजिसियन्स तथा फिजिकल मेडिसिज एण्ड रिह्याबिलिटेशन विशेषज्ञहरू कार्यरत छन् ।
केन्द्रको प्रमुख सेवामध्ये स्वास्थ बुढ्यौली तथा दीर्घायु स्वास्थ्य कार्यक्रम पर्छ । जसमा प्रयोगशाला परीक्षण, शरीर संरचना (बडी कम्पोजिसन) विश्लेषण, मांसपेशी स्वास्थ्य जस्ता शारीरिक कार्यक्षमता मूल्यांकन, मुटु रोग जोखिम परीक्षण, महुमेह तथा क्यान्सर स्क्रिनिङ, मानसिक तथा दिमागी शक्ति परीक्षण, दृष्टि तथा श्रवण परीक्षण, न्यूरोडिजेनेरेटिभ रोगहरूको जेनेटिक परीक्षण, पोषण विश्लेषण तथा एआईमा आधारित दीर्घरोग जोखिम पूर्वानुमान समावेश छन् ।
यो केन्द्र आइतबार बाहेक सतामा ६ दिन बिहान ८ बजेदेखि साँझ ४ बजेसम्म सञ्चालन हुनेछ ।
