चितवन- युनाइटेड टेक्निकल कलेज भरतपुरमा अध्ययनरत विद्यार्थीहरुको संस्था युनाइटेड टेक क्लबको आयोजनामा दुई दिने ‘युनाइटेड टेक फ्युजन’ कार्यक्रम सोमवार (आज) वाट सुरु भएको छ । इन्जिनियरिङ अध्ययनरत विद्यार्थीहरूको प्रविधि तथा सिप आदान–प्रदान गर्ने उद्येश्यले उक्त कार्यक्रमको आयोजना गरिएको हो । दुई दिनसम्म चल्ने उक्त कार्यक्रमको मुख्य आर्कषण “रोबोट रेस” रहको छ ।
प्रर्दशनीमा विशेष त विद्यार्थीहरुको प्रविधि, सिप र नवप्रवर्तन प्रस्तुत गरिएको कलेजका प्रमुख कार्यकारी अधिकृत विनोद ढकालले जानकारी दिनुभयो ।
इन्जिनियरिङ विधामा अध्ययनरत विद्यार्थीहरुको शिपलाई बाहिर ल्याउने प्लेटफर्मका रुपमा हामीले यसलाई विकास गरेका हौँ”, उहाँले भन्नुभयो । क्लबका कार्यक्रम संयोजक सन्दीप न्यौपानेले प्रर्दशनीमा देशभरीका कलेजहरुवाट १५ वटा प्रोजेक्ट डेमोन्स्ट्रेसन प्रस्तुत गरिएकोे बताउनुभयो । यसमा सबैभन्दा आर्षक रोबोट रेस रहेको पनि उहाँले जनाउनुभयो ।
“इन्जिनियरिङ विधामा अध्ययनरत विद्यार्थीहरूले उत्पादन गरेका नयाँ प्रविधिहरूको प्रदर्शनसँगै प्रतिस्पर्धा पनि हामीले यसमा गराएका छौँ”, उहाँले भन्नुभयो । यो कार्यक्रम दुई दिनसम्म चल्ने छ । उहाँले विद्यार्थीहरु विचको अनुभव साटासाटले दक्ष जनशक्ति उत्पादनमा सहयोग पुग्ने दावि पनि गर्नुभयो ।
सिभिल, कम्प्युटर, सूचना प्रविधि (आईटी), विद्युत तथा इलेक्ट्रोनिक्स इन्जिनियरिङ अध्ययनरत विद्यार्थीहरूको साझा संस्था युनाइटेड टेक क्लबले यसअघि राष्ट्रियस्तरका ह्याकाथन तथा विभिन्न प्रविधिमूलक कार्यक्रमहरू आयोजना गरि सकेको छ । कार्यक्रमको एक कार्यक्रमका विच उद्योग संघ चितवनका अध्यक्ष मदन घिमिरेले उद्घाटन गर्नुभएको थियो ।
उहाँले सो अवसरमा बोल्दै उद्योग तथा व्यवसाय क्षेत्रमा प्रविधिले सहज बनाउने धारणा राख्नुभयो । “प्रदर्शनी तथा प्रतियोगिताले नयाँ प्रविधिमा फड्को मार्न सहयोग पुग्छ”, उहाँले भन्नुभयो ।
कार्यक्रममा विभिन्न खेल तथा फुड स्टलसमेत राखिएका छन् । प्रविधिको प्रयोग गरी खाना अर्डर तथा भुक्तानी गर्न सकिने व्यवस्था गरिएको बताइन्छ । “यो टेक सम्बन्धी इनोभेटिभ कार्यक्रम हो। टेक्निकल विद्यार्थीहरूका लागि निकै महत्वपूर्ण छ,” उहाँले भन्नुभयो ।
