चितवन -आगामी फागुन २१ गते हुने प्रतिनिधि सभा सदस्यको निर्वाचनको लागि देशभर चुनावी सरगर्मी बढेसंँगै चितवनमा पनि यसको सरगर्मी ह्वात्तै बढ्दै गएको छ । गत निर्वाचनमा चितवन क्षेत्र नम्बर २ मा रास्वपाका सभापति रवी लामिछानेको चर्चा भएसंँगै यसपटक क्षेत्र नम्बर ३ मा पनि चुनावी रौनकता थपिने भएको छ । क्षेत्र नम्बर ३ मा नेपाली कम्युनिष्ट पार्टीबाट रेनु दाहाल, राप्रपाबाट बिक्रम पाण्डेले उम्मेद्वारी घोषणा गरेसंँगै क्षेत्र नम्बर ३ तातिदै गएको छ । क्षेत्र नम्बर ३ बाट सचिवालय सदस्य सोविता गौतमको उम्मेद्वारी दिने हल्ला भएपनि शनिबार सम्म क्षेत्र नम्बर ३ रास्वपाबाट ५ जनाले उम्मेदवारी दिएका छन । उम्मेद्वारी दिने आकांक्षी मध्ये रास्वपाका जिल्ला सचिव बिशाल कोइरालाको चर्चा बढी छ । क्षेत्र नम्बर ३ बाट आफूले पनि उम्मेद्वारी दिएको सचिव कोइरालाले जानकारी दिए ।
‘सोविता जी पनि उठ्ने सुनेको छु, मेरो लागि उहांँ पहिलो प्राथमिकतामा रहनुहुन्छ ,उहांँले उम्मेद्वारी दिनु भएन भने रास्वपामा मेरो उम्मेद्वारी रहन्छ ।’ सचिव कोइरालाले भने । यी मध्येपनि युवा देखि वृद्धसम्म व्यवसाय संँगै सामाजिक काममा सक्रिय कोइराला बलियो उम्मेदवारका रुपमा देखिएका छन । अन्य आंकाक्षी भन्दा उनको नाम रास्वपामा बढी चर्चामा छ ।
क्षेत्र नम्बर ३ बाट अन्य आकांक्षीमा शैक्षिक उद्यमी हरि भण्डारी, व्यवसायी भुपेन्द्र बस्नेत, प्रकृति ढकाल र रास्वपका क्षत्रीय सभापति मिनी माधव खनाल रहेका छन ।
को हुन विशाल कोइराला ?
उमेरले भर्खर ३१ बर्ष टेकेका विशाल कोइराला चितवनका लागि नौलो नाम होइन । भरतपुर महानगरपालिका वडा नम्बर १४ शिवनगर स्थायी बासिन्दा उनी सानैदेखि मेधावी विद्यार्थीको रुपमा परिचित थिए । बाबु शिक्षक र मध्यमवर्गीय परिवारका उनको प्रारम्भिक शिक्षा भरतपुरको सनराइज स्कुलबाट भयो । २०६६ सालमा एसएलसीमा उत्कृष्ट श्रेणीमा पास गरेका उनको उच्च शिक्षा भरतपुरकै प्रेसिडेन्सी कलेजबाट शुरु भयो । ‘मैले यही कलेजबाट मेनेज्मेन्टमा मास्टर्स डिग्री गरेको हुंँ र अर्कोे मास्टर्स डिग्री विरेन्द्रे क्याम्पसबाट सोसियोलोजीमा गरेंँ ।’ उनले आफ्नो बौद्धिक र र्शैक्षिक योग्यताबारे सुनाए ।
सानैदेखि देशको राजनीतिक तथा सामाजिक परिवेशलाई गहिरोबाट नियाल्ने उनी आफैं उद्यमी बनेर स्थापित हुन चाहन्थे । ‘मैले मास्टर्स पढ्दा देखिनै विभिन्न व्यवसायमा हात हात हालिसकेको थिएंँ, उनले भने, बिहानीको समय म प्राध्यापन पनि गर्छु ।’ उनले आफ्नो व्यस्तता सुनाउंँछन । तर आफू सन्तुष्ट भएपनि समाज र देशको परिवेश, राजनैतिक अस्थिरताले उनको मन पोलिरहन्थ्यो । राजनीति अवस्था स्थिर बलियो भयो भने समाजका सबै क्षेत्र सुधारिन्छन भन्ने उनको मनमा लागिरहन्थ्यो त्यसको लागि उनले बाटो कुरिरहेका थिए । त्यतिबेलासम्म उनी पनि राष्ट्रिय स्वतन्त्रता पार्टीको आंँखा परिसकेका थिए । पछिल्लो समय शिक्षीत , प्राज्ञिक व्यक्तिहरु रास्वपमा भित्रिरहेका बेला उनी पनि चितवन जिल्लामा पर्नु स्वभाविक थियो । ‘ चितवनको उपनिर्वाचनको मलाई रास्वपाको सचिवालय हेर्न अवसर मिल्यो, त्योदिन देखिनै मैले रास्वपामा सक्रिय रुपमा काम गर्दै आएको छु ।‘ उनी भन्छन । त्यसपछि उनको काम, दक्षता हेरेर चितवन जिल्लाकै रास्वपाको सचिव पदको जिम्मेवारी सुम्पियो । त्यहांबाट उनी निरन्तर रास्वपामा सक्रिय छन ।
के के गरे रास्वपामा रहेर उनले ?
उनी पार्टीको जिल्ला सचिव भइसकेपछि चितवन क्षेत्र नम्बर २ मा रवि लामिछानेको चुनावी अभियानमा सक्रिय भएर लागे । चुनावी अभियान होस वा नारायणगढ –बुटवल सडक खण्डको १२० किमि पदयात्रामा संँगै रहे, पार्टीको अनलाइन प्रणाली अभिलेख काममा पनि उनले निपुर्णता देखाए । यतिबेलासम्म कोइराला रवि लामिछानेको विश्वासिला र निकट व्यक्तित्वको रुपमा स्थापित भइसकेका थिए ।
हाल उनले सचिव पदको जिम्मेवारी लिंँदा चितवनका ९४ वटा वडा नगर अधिवेशन दिनरात नभनी सम्पन्न गर्न सफल भए । त्यसैले त उनले रवि लामिछाने आउंँदा चितवनका कार्यक्रम तालिका, कार्यक्रम सञ्चालन तथा व्यवस्थापनमा अब्बल काम गरेर देखाईसकेका छन । हाल देशभर चितवनको सरगर्मी छाईरहदा चितवनको क्षेत्र नम्बर ३ का लागि नेपाली कम्युनिष्ट पार्टीका उम्मेदवार रेनु दाहाल, राष्ट्रिय प्रजातन्त्र पार्टीका लागि बिक्रम पाण्डेले उम्मेद्वारी घोषणा गरिरहंँदा उनले पनि गत शुक्रबार आंकाक्षीको रुपमा आफ्नो उम्मेदवारी दिएको जानकारी दिए । ‘क्षेत्र नम्बर ३ बाट पांँच जनाले उम्मेद्वारमा आवेदन दिएको जानकारी छ, उनी भन्छन, शोभिताजीको विकल्पमा मेरो पनि उम्मेदवारको दाबी रहन्छ । पार्टीको आन्तरिक उम्मेदवारी छान्ने प्रणाली, मापदण्ड छन ।’
कोइरालाको उम्मेद्वारी किन ?
पछिल्लो समय युवापुस्ताको आगमन र आकर्षण भईरहेका बेला उनको पनि राजनीतिमा रुचि राखेर देशको सेवा गर्न चाहनु स्वभाविक हो । उनको परिवार झण्डै सांँढे ६ दशक यही चितवनको माटोमा रहेकोले पनि उनलाई यो माटोले राम्ररी चिनेको छ । चितवनको आर्थिक, सामाजिक , भौगोलिक र राजनीतिलाई नजिकबाट चिनेका उनी प्रतिनिधि सभा सदस्यको उम्मेदवारको रुपमा अब्बल पात्र हुन सक्छन । ‘म आफै उद्यमी हो । मेरो खास उद्धेश्य युवालाई रोजगार , कृषिजन्य उत्पादनको उत्पादन र बजारीकरण मुख्य एजेण्डा हुन । मैले राजीनितलाई पेशा नभएर सेवाको रुपमा लिएर अघि बढ्दै आएको छु ।’ उनको अठोट छ । बिशेषगरी चितवनका किसानले उत्पादन हुने तरकारी, दूध, अण्डा लगायतका कृषिजन्य बस्तुलाई ब्राण्डिङ गरी निर्यात गर्न सकिने उनको विश्वास छ ।
संगठन विस्तारमा पनि योगदान दिएका र चितवनको माटोमा सजिलै भिजेका र राजनीतिमा पनि उत्तिकै भिजन र ईच्छाशक्ति भएर पनि आफुले टिकट पाउनु पर्ने उनको ठहर छ । ‘म यही माटोमा जन्मेको, हुर्केको, मैले गर्ने भनेको पनि यही माटोको लागि मर्ने पनि यही माटोको लागि हो ।’ उनमा राष्ट्रप्रति समर्पण झल्कन्छ ।
