चितवन- निर्माण सामग्री (हार्डवेयर) व्यवसायी संघ चितवनको विस्तारित बैठक हिजो ४ र आज ५ गते अत्यन्तै उत्साहपूर्ण वातावरणमा सम्पन्न भयो । पदाधिकारी, सल्लाहकार तथा सदस्यहरूको उपस्थितिमा बसेको उक्त बैठकले चितवन उद्योग बाणिज्य संघको आगामी अधिबेशनका लागि अध्यक्ष पदका लागि युवा ब्यवसायि सिरीष पन्तलाई सिफारिस गर्ने ऐतिहासिक निर्णय सर्वसम्मत रुपमा पारित गरेको छ। व्यवसायिक समस्यालाई नजिकबाट बुझ्ने, निष्पक्ष, स्पष्ट कार्ययोजना र व्यवसाय मैत्री नेतृत्व क्षमता पन्तमा रहेको निष्कर्ष बैठकले निकालेको छ । यस संघका अध्यक्ष नरहरी घिमिरे ले भन्नू भयो संघले उनलाई केवल एक उम्मेदवार होइन, परिवर्तनको नेतृत्व गर्न सक्ने, परिणाम देखाउने र व्यवसायीको हितलाई सर्वोपरि राख्ने वास्तविक नेतृत्वको रूपमा प्रस्तुत गरेको छ।
संघ ले एक मत निर्णय गर्दै उद्योगि व्यवसायिअहिले परिवर्तनको महत्त्वपूर्ण मोडमा रहेको उल्लेख गर्दै योग्य नेतृत्व रोज्ने बेला आएको बतायो। संस्थाको भविष्य, व्यवसायीको सुरक्षा, पारदर्शिता, व्यावसायिक सहजता र दीर्घकालीन विकास यिनै निर्णयले निर्धारण गर्ने भएकाले, सबै उद्योगि व्यवसायीलाई जिम्मेवारीपूर्वक मत प्रयोग गर्न समेत संघ अपिल गर्दछ । वर्षौंदेखि व्यवसायीको आवाज बनेर काम गरेका सिरीष पन्त कुनै स्वार्थमा होइन, सेवा र परिणाममा विश्वास राख्ने युवा हुन् ,उनी दबाबमा झुक्दैनन्, ब्यक्तिगत स्वार्थका कारण विचलित हुँदैनन्, र सबै पक्षलाई समेट्दै अघि बढ्ने क्षमताका धनी छन्।
त्यसैले, निर्माण सामग्री व्यवसायीहरूको साझा आकांक्षा, चितवनको व्यापारिक संरचना सुदृढीकरण, युवा ऊर्जाको प्रतिनिधित्व र आधुनिक संस्थागत रूपान्तरणको यात्रामा सिरीष पन्त नै सबैभन्दा योग्य, सक्षम र विश्वसनीय विकल्प भएको निष्कर्ष संघले सबैको समक्ष राखेको छ। पन्तलाई दिइने प्रत्येक मत चितवनका उद्योगि व्यवसायको स्थायित्व, पारदर्शिता र समृद्ध भविष्यमा लगानी हुनेछ। अब केवल नेतृत्व बदल्ने होइन आगामी पुस्ताले पाउने अवसर, सम्मान र व्यावसायिक वातावरण सुरक्षित गर्ने निर्णय गर्ने क्षण आएको छ।
यसैले, सबै सम्मानित उद्योगि व्यवसायी महानुभावहरुलाइ निष्पक्ष, निर्भय र जिम्मेवार भएर सिरीष पन्तलाई आफ्नो बहुमूल्य मत दिनुहोस् भन्दै संघ हार्दिक अपिल समेत गर्दछ । तपाईंको एक मतले चितवन उद्योग बाणिज्य संघलाई पारदर्शी, ब्यवसायि मैत्री, परिणाममुखी र युवा दृष्टिकोणसहित अघि बढाउने हामी सबैको सामूहिक लक्ष्य पूरा हुनेछ ।
