काठमाडौं –
आइएमई खल्ती लिमिटेडद्वारा प्रवर्धित डिजिटल वालेट ‘खल्ती बाइ आइएमई’ले नेपालीहरुको महान चाडपर्वको अवसर पारी नेपालको सबैभन्दा ठुलो र रुचाइएको इन्टरनेट सेवा प्रदायक, वर्ल्डलिंकको बिल भुक्तानीमा भव्य र रोमाञ्चक क्याम्पेन सार्वजनिक गरेको छ।
१२ हप्ताको लागि चल्ने यस अभियानमा सेवाग्राहिहरुले खल्तीबाट वर्ल्डलिंकको बिल भुक्तानी गर्दा बम्परमा दिपलको एस ओ ५ गाडी, १२ भाग्यशाली जोडीलाई विदेश भ्रमण र स्यामसुङको उपकरणहरुमा छुट जित्ने मौका पाउनेछन् । अभियानको अन्तरालमा हरेक हप्ता १ भाग्यशाली जोडीले विदेश भ्रमणको प्याकेज र बम्परमा १ भाग्यशाली विजेताले दिपलको गाडी जित्नेछन्। सेवाग्राहीहरुले अभियान अन्तरालमा खल्तीबाट वर्ल्डलिंकको प्याकेज खरिद वा नविकरण गरे बापत विभिन्न स्यामसुङ उपकरणहरुमा ४०% सम्मको छुट समेत प्राप्त गर्न सक्नेछन्।
खल्तीको नयाँ क्याम्पेनले आफ्ना सेवाग्राहिहरुलाई आफ्नो बिल भुक्तानी झन्झटमुक्त गर्दै आकर्षक पुरस्कार जित्ने अवसर प्रदान गर्ने उद्देश्य राखेको छ। साथै यस अफरले वर्ल्डलिंक प्रयोगकर्तहरुलाई खल्तीमार्फत सहज भुक्तानी गर्नेबानी बसाल्न पनि नि प्रोत्साहित गर्दछ। अफरमा सहभागी हुन सेवाग्राहिहरुले खल्ती मार्फत आफ्नो इन्टरनेट बिल भुक्तानी गर्नुपर्नेछ। १ महिनाको बिल तिर्ने सेवाग्राहिले एउटा कुपन, ३ महिनाको बिल तिर्नेले तीनवटा कुपन र १२ महिनाको बिल ति तिर्नेले पाँचवटा कुपन एसएमएस मार्फत प्राप्त गर्नेछन्। सो कुपन मार्फत सेवाग्राहिहरु स्वत: लक्की ड्रमा समावेश हुनेछन्। जति धेरै भुक्तानी, त्यति धेरै जित्ने मौका रहनेछ। आइएमई खल्तीका प्रमुख कार्यकारी अधिकृत विनय खड्काका अनुसार, यस क्याम्पेन सँगै, खल्तीले आफ्ना सेवाग्राहीहरुलाई वर्ल्डलिंकको बिल भुक्तानी गर्न सजिलो बनाउने र सम्पूर्ण सेवाग्राहिहरुको चाडपर्वअझ रमाइलो बनाउने कोशीश रहेको जनाए र सबै प्रयोगकर्ताहरुलाई वर्ल्डलिंक बिल भुक्तानीमा रहेको अफरबाट लाभान्वित हुन र यस अवसरलाई सदुपयोग गर्न समेत आह्वान गरे।
वर्ल्डलिंकको आधिकारिक भुक्तानी पार्ट्नर रहेको खल्तीले यस अघिका सालहरुमा पनि चाडपर्वको उत्साह कायम राख्न र डिजिटली वर्ल्डलिंकको बिल भुक्तानी गर्न प्रोत्साहन गर्नका निम्ती नामी इभि गाडी र दुबई भ्रमण जस्ता अफरहरु ल्याएको थियो। यस वर्षको क्याम्पेनले पनि नि सोहि उत्साह जारी राख्नेछ भन्ने आशा गरिएको छ।
