चितवन –
भरतपुरस्थित बोस्टन इन्टरनेशनल कलेजले भाेलि (साेमबार) ‘Project Exhibition V 4.0’ र ‘Art Fusion 1.0’ आयोजना गर्ने भएको छ । कलेजले शनिबार पत्रकार सम्मेलनको आयोजना गरि सो कुराको जानकारी दिएको हो ।
कलेजका आरएमसी विभाग प्रमुख डा. सुनिल पोखरेलले विद्यार्थीहरूको सिर्जनशीलता व्यवहारमा रूपान्तरण गर्ने उद्देश्यले कार्यक्रम गर्न लागिएकाे बताए । उनले भने, ‘हामी विद्यार्थीहरूलाई सोच मात्र गर्न होइन, समस्याको व्यवहारिक समाधान निकाल्न उत्प्रेरित गर्न चाहन्छौं। यस कार्यक्रममार्फत उनीहरूले अनुसन्धान, प्रयोग र प्रस्तुति — तीनै तहमा सक्रिय सहभागिता जनाउन पाउँछन्।’
Project Exhibition V4.0 मा सूचना प्रविधि क्षेत्रमा विद्यार्थीले विकास गरेका २५ भन्दा बढी नवप्रवर्तन परियोजनाहरू प्रदर्शन गरिने उनले बताए ।
प्रदर्शनीमा समावेश प्रमुख परियोजनाहरूले विद्यार्थीहरूको गहिरो अनुसन्धान र व्यावहारिक सोचको उत्कृष्ट उदाहरण प्रस्तुत गर्नेछन्। ‘Pariwartan’ नामक परियोजना डिजिटल समाज व्यवस्थापन प्रणालीको अवधारणामा आधारित छ, जसले स्थानीय प्रशासन र नागरिक सेवाहरूलाई प्रविधिमैत्री बनाउन सहयोग पुर्याउनेछ।
त्यस्तै, ‘Karma Yogi’ नामक प्लेटफर्मले व्यक्तिको सीप, रुचि र समाजसेवामूलक अभिप्रेरणालाई एकै ठाउँमा जोड्ने प्रयास गरेको छ, जसबाट सेवा प्रवाहलाई सहज र प्रभावकारी बनाउन सकिनेछ।
घरपालुवा जनावरको सुरक्षालाई ध्यानमा राखेर विकास गरिएको ‘Petify’ नामक प्रणालीले जनावरहरूको निगरानी, स्वास्थ्य र हेरचाह प्रविधिको माध्यमबाट गर्न सकिने उपाय प्रस्तुत गर्नेछ।
वातावरणीय सचेतनालाई प्रोत्साहित गर्ने उद्देश्यले तयार पारिएको ‘Aura’ परियोजनाले वायु गुणस्तर मापन गर्न सकिने स्मार्ट उपकरण प्रदर्शन गर्नेछ, जसले विशेष गरी शहरी क्षेत्रका बासिन्दालाई वायुप्रदूषणको अवस्थाबारे जानकारी दिन मद्दत गर्नेछ।
त्यस्तै Smart Wheelchair, SignTalk, Period Tracker, Club Connect, Gantabya, Stylenest, Mero Events, Sahara, Yatra जस्ता परियोजनाहरूले पनि सामाजिक र प्रविधिमा जोड दिनेछन्।
कार्यक्रममा समावेश अर्को विशेष कार्यक्रम Demo Day V6.0 मा, कलेज अन्तर्गत सञ्चालित Boston Incubation for Growth (BIG) बाट तयार भएका स्टार्टअपहरूको प्रस्तुति हुने कलेजका अध्यक्ष आनन्द बहादुर चन्दले जानकारी दिए ।
बोस्टन कलेजका विद्यार्थीले सञ्चालन गरेका Brikshya, Maali Dai र Weebmart नामक तीन स्टार्टअपले विश्वविद्यालय अनुदान आयोग (UGC) बाट क्रमशः रु ११ लाख, ८ लाख ५० हजार र ६ लाख २५ हजारको Startup Seed Fund जितेका छन्। प्रोजेक्ट एक्जिबिसनमा उनीहरुकाे पनि सहभागीता रहने चन्दले बताए ।
त्यस्तै The Heritage Fade, The Vertical, Mugs and Mind जस्ता नव स्टार्टअपहरूले पनि कार्यक्रमलाई अझ आकर्षक बनाउने उनी बताउँछन् ।
यसै अवसरमा आयोजना हुन गइरहेको Art Fusion 1.0 – Colours of Expression मा विद्यार्थीहरूले कला, चित्रकला, डिजाइन र रङमार्फत सामाजिक सन्देश र भावनात्मक अभिव्यक्ति प्रस्तुत गर्नेछन्।कार्यक्रमको मूल उद्देश्य विद्यार्थीहरूमा नेतृत्व विकास, नवप्रवर्तनशील सोच, सामाजिक योगदान र व्यावहारिक शिक्षाको सशक्त अभ्यास गराउनु रहेको बताइएको छ। कलेजका अनुसार चितवन र नवलपुरका ७५ भन्दा बढी शिक्षण संस्थाका +2 तथा स्नातक तहका विद्यार्थीहरू कार्यक्रम अवलोकनका लागि सहभागी हुनेछन्।
