असार १४,चितवन
भरतपुर ११ मा रहेको ज्ञानादर्शन इंग्लिस बोर्डिङ स्कुलको यस वर्षको एसईईमा पनि उत्कृष्ट नतिजा आएको छ। विद्यालयले यस वर्ष पनि आफ्नो शैक्षिक उत्कृष्टता प्रमाणित गर्न सफल भएको छ। परीक्षामा सहभागि भएका ४० जनामा १६ जना विद्यार्थीहरूले ३.६ माथी जिपिए प्राप्त गरेका छन्। यसैगरी १५ जनाले ३.२ माथि जीपिए प्राप्त गरेका छन्। ३.९५ भन्दा माथि जिपिए ल्याउने ३ जना नै जिपिए ४ ल्याउन सक्ने अब्बल विद्यार्थी भएको र पुर्नयोगमा ४ जिपिए ल्याउने विद्यालय आशावादी रहेको प्राचार्य मनीष घिमिरेले बताउनु भयो।
यो उत्कृष्ट नतिजा विद्यालयको गुणस्तरीय शिक्षण पद्धति, शिक्षकहरुको समर्पण र विद्यार्थीहरूको निरन्तर मेहेनतको प्रतिफल भएको प्राचार्य घिमिरेले बताउनु भयो। प्राचार्य घिमिरेले सम्पूर्ण विद्यार्थीहरुलाई बधाई दिँदै अभिवाभक तथा शिक्षकहरुको सहयोगलाई पनि उच्च सम्मान व्यक्त गरेका छन्।
“विद्यार्थीहरूको अनुशासन, परिश्रम र विद्यालयको सामूहिक प्रयासकै कारण यो सफलता सम्भव भएको हो,” घिमिरेले भन्नु भयो।
ज्ञानादर्शन इंग्लिस बोर्डिङ स्कुलले विद्यार्थीहरुमा शैक्षिक उत्कृष्टताका साथै नैतिक मूल्य र समग्र व्यक्तित्व विकासमा विशेष ध्यान दिँदै आइरहेको छ। विद्यालयले एसईई २०८१ का सम्पूर्ण परीक्षार्थीहरुलाई आगामी शैक्षिक यात्राका लागि शुभकामना व्यक्त गरेको छ।
