चितवन — लियो क्लब अफ नारायणगढ चित्रवनको १७औं वार्षिक साधारण सभा सम्पन्न भएको छ। कार्यक्रमको अध्यक्षता क्लबका प्रथम उपाध्यक्ष तथा का.वा.अध्यक्ष लियो बालकृष्ण भण्डारीले गर्नुभएको थियो भने प्रमुख अतिथिको रूपमा लायन हरिकुमार राज भण्डारीको उपस्थिति रहेको थियो।
कार्यक्रममा क्लबका पूर्व अध्यक्षहरू लियो पुरुषोत्तम सुवेदी, लियो सन्तोष सुवेदी, लियो विकास पाण्डे लगायत सदस्यहरूको उपस्थिति रहेको थियो।
नयाँ कार्यसमितिमा लियो अञ्जन तिवारी क्लब अध्यक्ष चयन भएका छन्।उपाध्यक्षमा लियो अबिनास काफ्ले, सचिवमा लियो हरि लम्साल, कोषाध्यक्ष मा लियो विनायक लम्साल चयन भएका छन्। साथै सह-सचिव मा लियो स्वस्तिका पौडेल र सह-कोषाध्यक्ष मा लियो प्रशान्त ढकाल चयन भएका छन्। क्लब निर्देशक को जिम्मेवारी लियो बालकृष्ण भण्डारीले सम्हाल्ने भएका छन्।
कार्यक्रमा अतिथिहरुले नव-निर्वाचित समितिलाई बधाई दिंदै क्लबले शिक्षा, स्वास्थ्य, वातावरण तथा युवा सशक्तिकरणमा आधारित कार्यक्रमहरूलाई प्राथमिकता दिनुपर्नेमा जोड दिनुभयो।
नवनिर्वाचित अध्यक्ष लियो अञ्जन तिवारीले क्लबलाई अझ सक्रिय बनाउँदै सामुदायिक सेवामा केन्द्रीत कार्यक्रमहरू सञ्चालन गर्ने योजना रहेको जानकारी गराउनुभयो।
