मानव सेवा आश्रम वीरगञ्ज शाखाको आयोजनामा रक्तदान कार्यक्रम सम्पन्न भएको छ । मानव सेवा आश्रमको केन्द्रिय कार्यालय हेटौडाको १२ औँ स्थापना दिवसको अवसर पारेर वीरगञ्ज शाखाले वीरगञ्जस्थित क्लासिक बैंक्वेटमा रक्तदान कार्यक्रमको आयोजना गरेको थियो ।
कार्यक्रममा दुई जना महिलासहित १९ जनाले रक्तदान गरेको आश्रमकी पर्सा जिल्ला संयोजक मुना पुलामी मगरले जानकारी दिइन् ।
कार्यक्रममा जिल्ला प्रशासन कार्यालय पर्साका प्रमुख जिल्ला अधिकारी दिनेश सागर भुसाल, मधेश विश्वविद्यालयका उपकुलपति प्राध्यापक डा. दिपक शाक्य, पर्साका प्रमुख प्रहरी उपरीक्षक कुमोद ढुंगेल, सशस्त्र प्रहरी उपरीक्षक राधेश्याम धिमाल, श्रीजंग गणका गणपति निराजन कटवाल, आश्रमका अभिभावक एवम् वीरगञ्ज उद्योग वाणिज्य संघका बरिष्ठ उपाध्यक्ष हरि गौतम, शिव गुप्ता, मिनाक्षी गुप्ता, सामाजिक अभियानता एवम् आश्रमका संरक्षक प्रकाश थारु लगायतको उपस्थिती रहेको थियो । अतिथीहरुले रक्तदाताहरुलाई प्रमाण पत्र प्रदान गरेका थिए ।
आश्रमले वीरगञ्जमा बढ्दै गएको रगतको मागलाई परिपूर्ति गर्ने अभिप्रायले स्थापना दिवसको अवसरमा रक्तदान कार्यक्रमको आयोजना गरेको जिल्ला संयोजक मुना मगरले बताइन् । उनकाअनुसार आश्रमको स्थापना दिवसको अवसर पारेर वीरगञ्जसहित जनकपुर, दाङ्, गोर्खा लगायत देशैभरका शाखाहरुमा एकैपटक रक्तदान कार्यक्रमको आयोजना गरिएको हो ।
