सामाजिक संस्था सार्थक नेपालको प्रथम साधारण सभा तथा शपथ ग्रहण कार्यक्रम सम्पन्न भएको छ।
आज भरतपुर महानगरपालिका वडा नम्बर १ पुल्चोकमा रहेको मनास्लु होटलमा संस्थाको प्रथम साधारण सभा तथा सपथ ग्रहण कार्यक्रम भएको थियो । कार्यक्रमबाट प्रथम कार्यकालका लागि अध्यक्षमा प्रकाश घिमिरे, उपाध्यक्षमा उमेश घले, सचिवमा निशान गौतम, सहसचिवमा राजन बिक, कोषाध्यक्षमा सुसज्जित शाह मनोनयन भएका हुन् । कार्यसमिति सदस्यहरुमा रामु ढकाल, किरणबहादुर आले मगर, टोनी घिमिरे, अमृत सिंह धामी, कृष्ण पाण्डे र ईश्वर अधिकारी गरेर ११ जनाको कार्यसमिति चयन गरिएको हो। साथै संस्थाले मनोनयत सदस्यको रुपमा अभिषेक मिया, शासन सुनुवार, सुनिल तामाङ, प्रेमनारायण पौडेल, ललित केसी र सुदीप श्रीपालीलाई मनोनयन गरेको छ ।
सामाजिक संस्था सार्थक नेपालले अबका दिनहरुमा सरसफाई लगायत अन्य सामाजिक गतिविधिमा काम गर्ने संस्थाका नवनिर्वाचित अध्यक्ष प्रकाश घिमिरेले जानकारी दिए । यस अगाडि संस्थाले नारायण नदी किनारमा सरसफाई कार्यक्रम पनि गरिसकेको थियो ।
