समाज परिवर्तन नेपालको आयोजनामा आज पकाहामैनपुर गाँउपालिका वडा नम्बर ३ मा रहेको श्री राम चरित्र भगत मा.बि मा निशुल्क सेनेटरी प्याड बितरण गरिएको छ । प्रोईज सेनेटरी प्याड लि.को सहयोगमा बिद्यालयमा अध्यनरत ६०० छात्राहरुलाई निशुल्क सेनेटरी प्याड बितरण गरिएको हो । प्रहरी नायब उपरिक्षक केशर न्यौपानेको प्रमुख आतिथ्य र बिद्यालका प्रधानाध्यापक मनोज यादवको अध्यक्षतामा कार्यक्रम सम्पन्न भएको हो ।
कार्यक्रमलाई सम्बोधन गर्दै प्रमुख अतिथी न्यौपानेले सेनेटरी प्याडको महत्वबारे जानकारी गराउन ग्रामिण भेगको बिद्यालयमा यस्तो कार्यक्रम राखिएको बताए । उहाँले ग्रामिण भेगमा अहिले पनि सेनेटरी प्याडको महत्वबारे जानकारी नभएको र यस्ता बस्तुबारे ग्रामिण भेगका महिलाहरु खुलेर कुरा गर्न लाज मान्ने गरेको दावी गरे । उहाँले यस्ता कार्यक्रमले ग्रामिण भेगमा पनि सेनेटरी प्याडको महत्व बढ्ने र गाँउका महिलाहरु आफनो स्वास्थ्यबारे सचेन हुने विश्वास व्यक्त गरे । यसैगरी कार्यक्रमलाई सम्बोधन गर्दै संस्थाका अध्यक्ष अकलेश साहले छात्राहरुलाई ध्यान दिएर शिक्षा आर्जन गर्न सुझाव दिए । उहाँले मधेशमा महिला शिक्षाको अवस्था कमजोर रहेको र अहिले पनि महिलालाई शिक्षाबाट बञ्चित गर्ने काम भईरहेकाले महिलालाई पनि शिक्षाको अवसर दिन आग्रह गरे ।
कार्यक्रममा वडा नम्बर ३ का वडा अध्यक्ष संजय चौहान, शिक्षक पप्पु चौहान, मनोज राम, अर्जुन चौहान, बच्चु राम, प्रकाश साह, सरोज शर्मा ,सिकेन्द्र सहनी, दिपेन्द्र साह, कृष्णा यादव, गणेश साह, लगायतको उपस्थिती थियो । कार्यक्रमको सहजीकरण शिक्षक प्रकाश साहले गरेका थिए ।
