जिल्ला प्रहरी कार्यालय पर्साको टोलीले २ करोड २० हजार बराबर मूल्यका विभिन्न ब्राण्डका लत्ताकपडाहरू बरामद गरेको हो।
वीरगन्ज नगरपालिका- ६ तुल्स्यान मार्केट पमपम बिल्डिङको कोठा भाड लिइ पसल सञ्चालक वीरगञ्ज महानगरपालिका १६ बस्ने २४ वर्षीय आकाश कुमार गुप्ता र वडा नम्बर ६ मा बस्ने ४४ वर्षीय रामएकवला कुशवाहको गोदाम तथा अन्य गोदामबाट सर्टिङ सुटिङ तथा कपा,सर्ट,पाइन्ट थान कपडा,सुती प्रिन्टेड कपाहरूलगायत दुई करोड मूल्यको सामान बरामद भएको प्रहरीले जनाएको छ।
पम्पम बिलडिङको ९ वाटा कोठामा भन्सार छलीका विभिन्न ब्राण्डको कपडा भाण्डार गरी राखेको सुचना पाए लगतै पर्सा प्रहरीले छापा हानेको हो । उक्त गोदामबाट ठूलो परिमाणमा भन्सार छलीका कपडा फेला परेको प्रहरी स्रोतले जानकारी दिएको छ । धेरै परिमाण्मा कपडा बरामद भएपछि प्रहरीले छापामारी जारी राखेको प्रहरी स्रोतले जानकारी दिएको छ ।
गोदाममा भन्सार छलीका विभिन्न ब्राण्डको कपडा भाण्डार गरी राखेको गोदाम मध्ये काजल इम्पेक्सको गोदाममा छापामारी भइरहेको र बाकी गोदामका साहुहरु फरार रहेका छन ।
बरामद सामान वीरगन्ज भन्सार कार्यालयमा बुझाइएको पर्सा प्रहरी प्रमुख कुमोध ढुङ्गेलले जानकारी दिए।
