चितवन, २८ चैत ।
मिस नेपाल २०२४ को चितवन अडिसन चैत ३० गते हुने भएको छ । दि हिडन ट्रेजरले आज (बुधबार) भरतपुरमा आयोजित पत्रकार सम्मेलनमार्फत यस बारे जानकारी दिएको हो ।
हिडन ट्रेजरका निर्देशक सुवर्ण क्षेत्रीले अडिसन भरतपुरस्थित भरतपुर गार्डन रिसोर्टमा हुने बताउनुभयो । अडिसन बिहान ९:३० बजेबाट सुरु हुनेछ । १८ देखि २७ वर्षका अविवाहित युवतीहरु अडिसनमा सहभागी हुन सक्नेछन् । यस्तै न्युनतम ५ फिट ३ इन्च उचाई र दश जोड दुई उतिर्ण भएको हुनुपर्ने क्षेत्रीले बताउनुभयो ।
देशका बिभिन्न ९ शहरमा अडिसन हुनेछ । अडिसनमा सहभागी मध्ये प्रतियोगिताका लागि प्रतिस्पर्धि छनौट गरिनेछ ।
प्रतियोगितामा सहभागीता लागि आवेदनको कुनै शुल्क लाग्नेछैन । फाइनल अडिसन मी १८ तारिखमा काठमाडौंमा हुनेछ । छनौट भएका प्रतियोगीहरुलाई विभिन्न चरणमा तालिम दिएर मिस नेपाल वर्ल्ड, मिस नेपाल अर्थ र मिस नेपाल इन्टरनेशनल घोषणा गरिनेछ । फाइनल अगस्ट ३ तारिखमा हुनेछ ।
समय अनुसार नै प्रतियोगितालाई परिमार्जन गर्दै सबै २५ जना प्रतियोगीहरुलाई पनि मिस नेपाल बनाउने उद्धेश्य रहेको क्षेत्रीको भनाइ थियो । पत्रकार सम्मेलनमा मिस नेपाल वर्ल्ड २०२३ सृच्छा प्रधान, मिस नेपाल इन्टरनेशल प्रसिद्धि शाह, स्थानीय संयोजक नेपाल डायरिजका प्रवन्धक बिनेश थापालगायत सहभागी थिए ।
