फाल्गुण ५,भरतपुर
भरतपुर महानगरपालिका वडा नं ७ कृष्णपुरमा मोक्षालय मल्टिप्रपोज प्राइभेट लिमटेडको उद्घाटन भएको छ। नेपाल मै रहेर केहि गर्नु पर्छ र नेपाल मै उद्यमशीलता गर्न सकिन्छ भन्ने मुल उद्येश्यले भरतपुरका दुई युवा मिलेर मोक्षालय मल्टिप्रपोज प्राइभेट लिमटेडको सञ्चालन गरेका हुन्। भरतपुर १४ का मनिष पौडेल र भरतपुर ७ का रूपक घिमिरेले कम्पनी सुरु गरेका हुन्।
आज एक कार्यक्रमका बीच उद्योग वाणीज्य संघ चितवनका अध्यक्षको सुमन कुमार श्रेष्ठले मोक्षालयमा रिबन काटेर औपचारिक उद्घाटन गर्नु भएको हो।
मोक्षालय मल्टिप्रपोज प्राइभेट लिमटेडले गर्ने कामहरू:
– इभेन्ट होस्ट
– इभेन्ट म्यानेजमेन्ट
– हल भाडामा
– डिजिटल विज्ञापन
– मुबि शो
साथै नृत्य, जुम्बा , एक्टिङका कक्षाहरू पनि सञ्चालनमा आउने भएको छ।
कार्यक्रममा उद्योग वाणिज्य संघ चितवनका अध्यक्ष सुमन कुमार श्रष्ठ, भरतपुर ७ का वाड अध्यक्ष राजेन्द्र मणि काफ्ले, भरतपुर महानगर शिक्षा शाखा अधिकृत अर्जुन मडै ,सामाजिक अभियन्ता अर्जुन भुसाल , मिलेनियम मोडल कलेजका प्राचार्य ईश्वर पण्डित महिला उद्यमी सृजना सोती, रूपक घिमिरेले शुभकामना मन्तब्य ब्यक्त गर्नु भएको थियो।
