चितवन : विश्वका २५ बढी देशमा लोकप्रिय रहेको विद्यार्थी गुणीय चक्र चितवनको सौराहामा आयोजना हुने भएको छ । क्वेष्ट नेपालको आयोजनामा यही मङ्सिर ८, ९ र १० गते हुने १७औँ राष्ट्रिय सम्मेलनको संयोजन भरतपुरस्थित स्मल हेभन स्कुलले गरिरहेको छ ।
पर्यटकीय नगरी सौराहास्थित होटल सेभन स्टारमा सञ्चालन हुने सम्मेलनमा नेपालभरका सामुदायिक तथा निजी विद्यालयका ६ सय बढी शिक्षक, विद्यार्थी र प्रधानाध्यापकहरू तथा शिक्षाविद्हरूको सहभागिता रहने विद्यार्थी गुणीय चक्र राष्ट्रिय सम्मेलनका संयोजक एवं क्वेष्ट नेपालका अध्यक्ष सुनयनी गुरुङले जानकारी दिइन् ।
सन् १९९० मा प्रोफेसर दिनेशप्रसाद चापागाईंले नेपालमा प्रयोगमा ल्याएको विद्यार्थी गुणीय चक्र विद्यार्थीलाई सर्वगुणसम्पन्न व्यक्ति बनाउने प्रयत्न गर्दछ । हरेक वर्ष क्वेष्ट नेपालले यो कार्यक्रमको अयोजना गर्दै आएको छ । स्थानीय हव सम्मेलनबाट छनोट भएका विद्यार्थीलाई राष्ट्रिय सम्मेलनमा सहभागी गराउने र त्यहाँबाट छनोट भएका विद्यार्थीले अन्तर्राष्ट्रिय स्तरको सम्मेलनमा सहभागी हुने मौका पाउने स्मरल हेवनका प्रिन्सिपल विमलकुमार क्षेत्रीले जानकारी दिए ।
राष्ट्रिय सम्मेलनमा सहभागी हुने विद्यार्थीले मनशा स्मृति सर्वगुणीय व्यक्ति अवार्ड, प्याब्सन डिसकसन, कोलाबोरेटिभ आटर्स एण्ड फरफर्मेन्स, विभिन्न संरक्षणसम्बन्धी कार्यशाला, रेडियो उद्घोषणसम्बन्धी कार्यशालालगायतका कार्यक्रममा सहभागिता जनाउने छन् ।
प्रमुख संरक्षक प्रोफेसर दिनेशप्रसाद चापागाईं रहेको संस्थाको अध्यक्ष सुनयनी गुरुङ हुन् भने निराजन अधिकारी प्रमुख सल्लाहकार रहेका छन् । संस्थाले विद्यार्थीलाई सर्वगुणसम्पन्न बनाउन प्रत्येक वर्ष स्थानीय हवबाट छनोट भएका विद्यार्थीलाई सहभागी बनाई राष्ट्रिय सम्मेलन गर्दै आएको छ । यसको अवधारणा सन् २०६२ देखि जापानमा वस्तु तथा सेवाको गुणस्तर लागु गर्न सुरु गरिएको गुणीय चक्रबाट लिइएको हो ।
