पौष १३, चितवन
श्रीलक्ष्मीवैकुण्ठ मन्दिर , भरतपुर-४, धर्मचोक,लंकु, चितवनद्वारा संस्थापित एवम् संचालित श्रीवैकुण्ठनाथ परमवैदिक विद्याप्रतिष्ठानम्(गुरुकुलम्)को सर्वाङ्गीण विकासार्थ आगामी २०७९ माघ २१ देखि फागुन ६ गतेसम्म श्रीलक्ष्मीवैकुण्ठनाथ वैदिक विद्या-संरक्षण-महायज्ञ-महोत्सव २०७९ हुने भएको छ। मन्दिरका पीठाधीश स्वामी जगन्नाथाचार्यज्यूको सभापतित्व तथा ईश्वरकृष्ण महाराजको प्रमुख आतिथ्यमा आज आयोजित भेलाले तुलसीराम सापकोटाज्यूको संयोजकत्वमा पछि विस्तार हुने गरी महायज्ञ सम्पादन समिति गठन गरेको छ ।यस्तै समितिको सह- संयोजकमा टीकाराम कंडेल , चेतनारायण सापकोटा , सीता गौतम, यमलाल कंडेल , विष्णु सापकोटा ,केशवभक्त सापकोटा , फूलनाथ निउरे, पवित्रा सापकोटा सचिवमा रामचन्द्र सापकोटा , सह- सचिवमा डा. लक्ष्मीनाथ कंडेल , डा. गोपीनाथ कंडेल , माधव सापकोटा , लक्ष्मी रिजाल सापकोटा , सुदर्शन कंडेल कोषाध्यक्षमा रामप्रसाद कंडेल , सह- कोषाध्यक्षमा नवराज सापकोटा , कुलनाथ कंडेल , सदस्यहरूमा भूपतिदास सापकोटा , हरिप्रसाद आचार्य , ईश्वरीप्रसाद कंडेल , कृष्णप्रपन्न गौतम, हरिप्रपन्न कंडेल ,प्रताप कंडेल , गोकर्णनिवास त्रिपाठी, हिरामणि खराल, प्रेमनिधि भारद्वाज,भानुभक्त कंडेल लगायत हुनुहुन्छ । यस्तै भेलाले विभिन्न उपसमितिहरूको पनि गठन गरेको छ।मातृशक्ति परिचालन उपसमितिको संयोजकमा गङ्गा सापकोटा , प्रचार -प्रसार संयोजकमा राजु सापकोटा तथा युवा परिचालन संयोजकमा हरीश कंडेल हुनुहुन्छ ।
वाग्मती प्रदेश सामाजिक विकास मन्त्रालयका सचिव रामशरण सापकोटा , भरतपुर -४ का पूर्व वडाध्यक्ष हरिप्रसाद आचार्य ,गुरुकुलका पूर्व प्रधानाध्यापक दामोदर सापकोटा , गुरुकुल व्यवस्थापन समितिका अध्यक्ष विष्णु सापकोटा , गुरुकुल संचालक समितिका सल्लाहकार संयोजक तथा निवर्तमान अध्यक्ष यमलाल कंडेल , गण्डकी-नारायणी संरक्षण महाआरती परिषद्का अध्यक्ष प्रेमनिधि भारद्वाज, प्रा.डा. केशवभक्त सापकोटा , ईश्वरीप्रसाद कंडेल , बाबुराम खरेल, चेतनारायण सापकोटा, हिरामणि खराल लगायत उपस्थित रहनुभएको कार्यक्रमको संचालन गुरुकुल संचालक समितिका उपाध्यक्ष डा.गोपीनाथ कंडेलले गर्नुभएको थियोे ।
२०४४ सालमा स्थापना भएको र हाल कक्षा ६ देखि १२ सम्म पढाइ हुने सो गुरुकुलमा देशका विभिन्न स्थानका ५५ जना विद्यार्थीहरू अध्ययन गरिरहेको गुरुकुलका प्रधानाध्यापक डा. लक्ष्मीनाथ कंडेलले जानकारी दिनुभयो।
